چەتەکۍ دەوڵەتو ئەرەگیرکەرو تورکی مەڕیۍ
چەتەکۍ دەوڵەتو ئەرەگیرکەرو تورکی هەوڵشا دا بلانۍ دلۍ دەگایەکا منبجیوە. جەنگەوانا ئەنجوومەنو سەروازی منبجی ڕووبەڕوو چەتەکا بیێوە.
ناوەڼو پەیوەندییەکا ئەنجوومەنو سەروازی منبجی جە بەیاننامېوەنە ئەرەیاۋناش، هەوڵو چەتەکا پەی لوای دلۍ ٣ دەگایا کانتۆنو منبجی شکسش ئاورد.
جە ئەرەیاۋناکەینە ئامان: "چەتەکۍ دەوڵەتو ئەرەگیرکەرو تورکی هەوڵشا دا بلا دلۍ دەگایەکا ئەلجەراد، عەرەب حەسەنی و محسەنلی جە سەرنیشتوو ۋەرنیشتوو کانتۆنو منبجی."
جەنگەوانا ئەنجوومەنو سەروازی منبجی کە جموجۆڵوو چەتەکاشا وستەبۍ چێروو چەمڎاریوە، ڕووبەرووشا بیێوە و جەنگێوە چڕ ڕووەشدا. جە ئاکامەنە چەتەکۍ کوشیا و زامڎارێشا چنە کۊتۍ و مەڕیۍ.
