ئەنڎامەو کوردیناسیۆنوو کەژەکەی چیدەم دۆگو-ە ئەرەیاۋناش، ڕابەروو گەلوو کوردی عەبدوڵا ئۆجالان، سیستەم، کۊشیای، ۋیر و هەستەکاش پېسە سفرێوە ڕووانەی پێشکەش بە ژەنا و مرۆڤایەتی کەردەن و واتش: "ئەگەر ئی سفرە ڕووانەیە گەورە بکەرمۍ، ئازاڎیی جەستەیی مسۆگەر بۆ."
ئەندامی کوردیناسیۆنی کەژەکە چیدەم دۆگو، بەشداری لە بەرنامەی مێدیا خەبەر کرد و هەڵمەتی "ئازادی بۆ عەبدوڵا ئۆجالان، چارەسەری سیاسی بۆ پرسی کورد"ی هەڵسەنگاند.
چیدەمە ئاماژەش پانەیچ کەرد، هەڵمەتەکۍ یاۋێنە بە ئاستێوە، هەنگامەی گرنگە نریێنە و واتش: "هەڵمەتەکۍ هەمیشە ماناو هەنگامېوەنە پەی وەڵۍ، واتە جە گرڎ هەنگامېوەنە پەنەوازش بە ڕۆحێوە گەورەی هەن، تەنانەت وزەی گەورەتەر و هەنگامەی کاریگەرتەرە پێویسەنە، پۊکاتی جە پرۆسەکاو ١٥و شوباتی، ٨و مارسی، پرۆسەو هۊرچنیەی جە سەرنیشت، هەنگامېوە کاریگەرە نریا پەی وەڵۍ ئیساتۍ دماو ئی پرۆسەیە، پێویسا هەڵمەتەکۍ سەروو خەتێنە گەورەتەرە بکریۆوە.
'چنڎە بتاومۍ سفرەو ڕووانەی گەورەتەر بکەرمۍ، ئانڎە متاومۍ ئازاڎیی جەستەیی مسۆگەر بکەرمۍ'
چیدەم دۆگو-ە ئەرەیاۋناش، پېسە جمیەروو ژەنا بە بەقوەتتەرین شێوە بەشدارۍ ئی پرۆسەیە با و واتش: "ئێمە فرە بە شێوێوە عالتەر بەشداری مکەرمۍ. چنی ئانەیچە پېسە ژەنا مشۊم هەنگامەی زیاتەرە دەوروو پارادایموو ڕابەری و ئامانجوو مسۆگەر کەردەی ئازاڎیی جەستەیی چالاکی سەربەخوانە بەڕمۍ ڕاوە. ئێمە گەرەکمانە ئی ئێستەیۆی جە کۊشیایمانە هۊرسەنگنایش پەی بکەرمۍ، جە کۊشیای ئێمەنە 'ڕابەرایەتی' پېسە سفرێوە ڕووانەی پێناسەش کەردەن، یانی ڕابەر ئاپۆ ئا حەقەتینەی کە خوڵقنانش پېسە سفرێوە واقیعی کۊشیای ئێمە پاسەن، ئەگەر بێوە یاڎتا جە پرۆسەو پیلانگێڵنی میان دەوڵەتینە چالاکی 'شمە مەتاودۍ ڕۆما تاریک بکەردۍ' لوواڕاوە. یانی ڕابەرایەتیما حەقەتینێوە چانە نیشانە مڎۆ و چنی خەباتی ڕووانەی بیەن بە ڕەمزێوە، واتە سفرێوەش پێشکەش بە گەلوو کوردی و مرۆڤایەتی کەردەن. پێویسا ژەنی زیاتەر دەوروو ئی سفرەینە کوۍ باوە و یۆ بگێرا. دەوروو ئی سفرەینە، پێویسا بەهێزۆ پەشتیوانی یۆترینیا با، ڕێکوستەکەیما گەشە پنەبڎەیمۍ و پا مەڵامەتۆ هەڵمەتەو ئازاڎیی ڕابەر ئاپۆی بەقوەتە بکەرمۍ. واتە چی چوار چێوەنە چالاکیۍ فرۍ ئاردەینە و دۆڵەمەنڎۍ کریۆ ئەنجامۍ بڎریا.
جوانە ژەنی بە هەستیاریێوە گەورۆ، پێویسا دەوروو 'سفرەو ڕووانەیرە'کوۍ باوە و هەنگامە بنیا. ئێمە پېسە جمیەروو ژەنا قەناعەتما پاسەن پا جۊرە هەڵمەتەکۍ بە شێوێوە خۆسەریی زیاتەر بەرەو وەڵۍ بلا.
جە ۋەرا ۋەروو ئێمەنە ڕاسی سیستموو ئەشکەنجەدای نایاسایی و نادادپەروەرانە و دماکەوتەیی هەرێمی هامشان چنی دەوڵەتوو فاشیستی تورکی و هێزە میان دەوڵەتییەکا هەن. ئانەی ئی سیستمەیە کۆنتڕۆڵ مکەرۆ و ڕاش ۋنە بگێرۆ، پەرەداین بە کۊشیای کۆمەڵایەتی ژەنۍ و گەلا. تا زیاتەر بتاومۍ چی بوارەنە ئی کۊشیایە پەرە پنەبڎەیمۍ، زیاتەر متاومۍ دەوروو ئی سفرەینە کوۍ بیمېوە، زیاتەر متاومۍ سیستموو ئەشکەنجەی و گۆشەگیری ماڕمۍ و ئازاڎیی جەستەیی ڕابەر ئاپۆی، ئازاڎیی ژەنا، گەلا و گەلوو کوردی مسۆگەر بکەرمۍ. هەر پۊکەی مشۊم ۋەرفراوانتەر چی پرۆسەنە ئاستوو کۊشیایما پەرە پنەبڎەیمۍ و بە گرڎ حۊڵێوە دەوروو ۋێما بیاونمۍ مەنزڵ."
