دەم پارتی: پارێزنای شۆڕشو وەرنیشتی هەرمانەو گردیمانە
دەم پارتی سڵامش ئاراستەو شۆڕشو وەرنیشتی کەرد و واتش: "بێدەنگیی وەراوەروو هجوومەکاو سەروو وەرنیشتی تاوانا. پارێزنایی شۆڕشو وەرنیشتی هەرمانەو گردیمانە."
کۆمیتەو ڕاوەبەریی ناوەندیی دەم پارتی، بە بۆنەو ١٢ەمین ساڵوەگێڵوو شۆڕشو وەرنیشتیوە بەیاننامێوی نویسیاش وەڵا کەردۆ.
دەم پارتی واتش: "شۆڕشو وەرنیشتی؛ شۆڕشێوەن، کە ژەنی سەرمەشقایەتییشا کەردەن؛ کورد، عەرەب، تورکمان، موسڵمان، مەسیحی، عەلەوی و ئێزدی پێوە پەی دماڕۆو وێشا مدرامانشا کەرد، بەدیلی قورسشا دا و پەی دماڕۆو وێشا قەرارشا دا.
بەیاننامەکەنە سەرنجە وزیا سەروو هجوومەکاو گەلاو سەرنیشت و وەرکەوتوو سوریای و ئاماژە کریا:
"ئەگەر شۆنەو دیالۆگی و دایوسانایرە مگێڵدێ، وێڕاوەبەریی سەرنیشتی و وەرکەوتوو سوریایوە دەس پەنە بکەردێ، کە مۆدێلوو ژیواێوی مافدار، ڕەوا و دیمۆکراتیکیش خوڵقنان. هجووم پەی سەروو شۆڕشو وەرنیشت و بێدەنگی وەراوەروو ئا هجوومانە تاوانا. ئی شۆڕشە بە سەرمەشقایەتیی ژەنا ڕووەش دا و پێشکەش بە گردوو جیهانی کریان. پارێزنای ئی شۆڕشەیە ئینا شانەو گردیماوە. ئەوەڵ گەلەکەما، گردوو گلێرگە هەستیارەکا چیولای خاوەنداریی جە شۆڕشو وەرنیشتی بکەرا، چەنیش بژیوا و گەورەش بکەراوە و درێژە بە کۆشیای بدانە."
