دەوڵەتو تورکی هرووژمەکێش پەی سەرو پانیشتوو کورڎەسانی زیاتەرۍ کەردێنۍ. سوپاو تورکی جە لێوە هەرێمەکەی بۆردوومان مکەرۆ و جە لێوەتەرۆ سیاسەتوو ئەرەگیرکەردەی و چۆڵکەردەی درێژە مڎۆ پنە.

دەوڵەتو ئەرەگیرو تورکی بارەگێوە پێشمەرگەیش جە سەرگەڵۍ سەر بە دهۆکی جە کەشو مەتیناینە بۆردوومان کەرد. ئەرەیاۋېیان، جە ئاکاموو بۆردوومانەکەینە چن پێشمەرگېوە زامڎارۍ بیێنۍ.

جە ئامێدینە دەگېوەتەرە چۆڵەکریا

زانیان کە دەگاو مەزی جە مەنتیقەو ئامێدینە بۆردوومانەکریێنە و دەگاکۍ چۆڵەکریێنە.

سوپاو ئەرەگیرەو تورکی جە ٣ ۍ تەمموزیوە کۊشش مکەرۆ جە کەشو وەهارینە بنەوزۆ، پۊکەی هرووژمەکێش پەی سەرو هەرێمەکەی زیاتەرۍ کەردێنۍ. حەرپاسە سوپاو ئەرەگیرەو تورکی دەگاو بێسمتی گارەیش بۆردوومانە کەردە.