چا گلېرۆبېیەینە کە بە درووشـمەو "پەی ڕەنج و ئازاڎی ۋېما، ڕا بە قەیومی نمەڎەیمۍ" ئەنجام مڎریۆ، دەیان هەزار کەسۍ بە درووشمەو "بژیۋۊ سەرۆک ئاپۆ"ی و "بێ سەرۆکی ژیۋای نمەبۊ" مجیێرە مېڎانەکا.
هێزەکاو ڕەنج و ئاشتی و دیموکراسی دژوو دەسسەرەرەگێرتەی شارەوانی جولەمێرگی بە درووشمەو "پەی ڕەنج و ئازاڎی ۋېما، ڕا بە قەیومی نمەڎەیمۍ" ئیستەنبوڵنە گلېرۆبیەی ئەنجام مڎۆ. هەزاران کەسۍ مجیێرە مېڎانوو گلېرۊبیەکەی.
جە کارەوانوو بەشداربیانە لافیتێوە گەورە کە سەرشۆ نویسیابۍ"جە ١٩٢٥ تا ١٩٩٩ سەرەما نەنامنارە و سەرە مەنامنمێرە" بەرزکریاوە کە سەرنجش وستەبۍ سەرو جە قەنارەدای شێخ سەعیدی و هامڕاکاش جە ٢٩ و حوزێرانوو ١٩٢٥ ی و قەراروو جە قەنارەدای رابەرو گەلوو کوردی عەبدوڵا ئۆجالانی کە جە ٢٩ و حوزێرانوو ١٩٩٩ ی دریا.
پارتە سیاسییەکۍ و سەندیکا و گرووپ و ڕێکوزیا و دەزگا و پلاتفۆرمەکۍ بە ئاڵاو ۋێشاوە بەشدارۍ کارەوانەکەی بێنۍ.
جە کارەوانەکەنە درووشمۍ و لافیتۍ دژوو قەیومی و دەسسەرەرەگێرتەی شارەوانی جولەمێرگی بەرزۍ کریێوە.
بێ مردای درووشمەو "بژیۋۆ سەرۆک ئاپۆ"ی وچیاوە
واتەواچاو کۆنگرەو دیموکراتیکی گەلا (هەدەکە)ی ئەسەنگوڵ دەمیرە و جەنگیز چیچەک و پەرلەمانتارا دەم پارتی و هامسەرۆکەو شارەوانی جولەمێرگی ڤیان تەکچە وەڵۍ وەڵۍ کارەوانەکەیۆ بێنۍ و جەماوەر بە درووشمۍ مجیێرە مېڎانەکا.
جە چالاکییەکەنە لافیتەو "پەی ڕەنج و ئازاڎی ۋېما، ڕا بە قەیومی نمەڎەیمۍ" هۊرکریا و بێ مردای درووشمەکا "بژیۋۆ سەرۆک ئاپۆ"ی و "ڕۊو ۋنەپەرسایۆ گەلی جە ئاکەپەی مۍ" و "مڎرامان بکەرە جولەمێرگ، ئیستنەبوڵ ئینا چنیت" و "بە یۊبیەی سەرۍ گنمۍ" و "بژیۋۆ یەکسانیی گەلا" و "گرڎ شۊنېنە مڎرامان، گرڎ شۊنێوە جولەمێرگا" بەرزۍ کریێوە.
