گلێرگەو ئێزدی یۆن چا گلێرگا ڕووبەڕوو دەیان کۆمکوژی  بییەنۆ. پۆکەی چنین جارێ ناچارێ بیێنێ شارو وێشا جیابازانە. بەشێ چایشا شارو وێشانە دوورکەوتێنێوە و جە قەوقازەنە ئەرەنیشتێ بیێنێ.

بەشێوە فرەو ئێزدییەکا جە قەوقازو، جە جۆرجیانە ئەرەنیشتێ بیێنێ، کە خاوەن تاریخو و کلتوورێوە قووڵینێ و جە هەرێمو سەرحەدیۆ کۆچشا کەردەن. چی بارۆ، دیکۆمێنتاریێ ئامادەکریا.

دیکۆمێنتارییەکە بە نامێ "ئێزدییەکا جە جۆرجیا" نە ڕاسی گلێرگەو ئێزدی  جە جۆرجیا و ژیواو ڕوانەیشا و چیرۆکە قورسەکا گێڵنۆوە.

دەرهێنەر عارف ئاسڵان کە لواشۆنیرەیش کەردەن پەی چیرۆکو ئێزدییەکا جۆرجیانە، بە هامکاری کامێرامان بارش ئاسڵان دیکۆمێنتارییەکەش ئامادە کەردەن.

جە دیکۆمێنتارییەکەنە جەخت وسیان سەرو ڕەوشو گلیرگەو ئێزدی کە ڕووبەڕوو ئاسیمیلاسیۆن(تاونایۆ) بۆوە، بەتایبەت تەرسەو فاڕایۆ بڕواو جوانا ئێزدی.

هەرپاسە جەخت وسیان سەرو مڏرامان و گلێرگەو ئێزدی و هەرمانەکاشا پەی پارێزناو سناسنامە و کلتوور و بڕوێکێشا.

دیکۆمێنتارییەکە ئارۆ سەعات ٢٠:٠٠ بە کاتو ئەوروپای پەی جاری یوەمی جە چرا تیڤینە وەڵاکریۆوە.