هارون میرا (ڕۆژهات شاهین) کە جە هرووژمێوە دۆڵەتو ئەرەگیرو تورکینە جە هەرێمو گەشمەرڎە دەلیلی جە ۋەرنیشتوو زاپی ٨ و ئابینە گەشمەرڎە بی، شارو بۆردیۆو فەرەنساینە یاڎش کریاوە.

یاڎەکە بە دەیەقێوە ڕێزگێرتەی جە یاڎو گەشمەرڎا ئازاڎیی کورڎەسانی دەسش پنە کەرد. دماتەر بەڵگەفیلمێوە نیشانەدریا. ئەڎا و تاتەو گەشمەرڎە هارونی واتشا "کوڕەکەما گەشمەرڎەو ئی گەلەی و پەکەکەین".

دماتەر سیاسەتمەدار عەلی حەیدەر سەرەوەشیش جە بنەیانەو گەشمەرڎەی کەرڎ، ئەرەیاۋناش جوانا کورڎەسانی سەرەڕاو گرڎو زەحمەتییەکا هیچ دووەدڵیێشا نیشانە نەڎا پەی وڵاتەکەیشا، تا سەرکۆتەی درێژە بە ئەرەکۊشای مڎا و حەجگیز پاشەکشە جە ئەرەکۊشای نمەکەرا.

یاڎەکە بە بەرزکەردەیۆ درووشمەو "گەشمەرڎۍ نمەمرا" دمایش ئاما.