ئا ٣٣ جوانۍ کە ٢٠ و تەمموزو ٢٠١٥ ی جە مەنتیقەو پیرسوسی ڕحاینە جە ئاکاموو هرووژمۍ ۋێکوژی داعشینە کوشیۍ، جە شارو شتوتگارتوو ئەڵمانیاینە یاڎۍ کریێوە.

یاڎ و ڕاپیماکەی جە لایەنو تەڤگەرو جوانا شۆڕشگێڵنی (تەجەشە)ی، جوانە ژەنا کۊششکارو (تێکۆژن)ی و پارتیزانا و مەلەکەپەی و (Defend Kurdistan) و (Riseup4Rojava) و (ORA Stuttgart) و (OTKM) و (Young Struggle) کریا.

یاڎ و ڕاپیماکەی بە دەیەقێوە ڕێزگېرتەی جە یاڎو گەشمەرڎا شۆڕشی دەسش پنە کەرد.

دماو ئەنجامدای ڕاپیمای، جەماوەرەکە ئەرەیاۋنایشا ۋەناوە. یۆ بە یۆ نامۍ گەشتیارا وەرمی ۋنیاوە و گەل بە "مژیۋۆ" جوابشا داوە.

جە تەمامو ڕاپیماکەینە بە ئەڵمانی و کوردی و تورکی درووشمۍ بەرزکریێوە، تەئکیدکریاوە کە ۋنەپەرسایۆ جە کۆمکوژییەکا مکریۆ و سڵام جە شۆڕشو ۋەرنیشتی کریا.

جە ڕاپیماکەینە ئەرەیاۋنای ئەڵمانی دەربارەو تاوانەکا جەنگی و کۆمکوژییەکا دەسەڵاتوو ئاکەپە و مەهەپەی ۋنیاوە. حەرپاسە نوێنەرو ڕێکوزیاکا گەنجا جە مېڎانوو ڕاتوسپلاتزینە ئەرەۋنێوەشا ۋەناوە.