گەشمەرڎێ زۆزان حەسەکە کە ٣٤ ساڵێ چالاکانە ئەرەکۆشا و چی دمایۆ بییە بە فەرماندێ یەپەژەی، جە بەرلینەنە یادەکریاوە و بانگەوازکریا پەی گەورەکەردەو ئەرەکۆشای پەی پارێزنای دەسکەوتەکاو شۆڕشی.
بەرلین و پایتەختو ئەڵمانیاینە فەرماندێ یەکینەکا پارێزناو ژەنێ (یەپەژە) زۆزان حەسەکە (مونەوەر فاتمە) کە ٣ ێ نیسانوو ٢٠٢٤ گەشمەردێ بیە، بە چالاکیێوە یادەکریاوە.
بنەیانەو گەشمەرڎێ زۆزانێ و گەلوو کوردسانی بەشدارێ چالاکییەکەی بی بە سەرمەشقایەتی مەجلیسو ژەنا دەس دانی و مەجلیسو کوردسانیا ئازادیی (ناڤ-بەرلین).
جە کەسایەتی گەشمەرڎە زۆزانێنە بە دەقێوە ڕێزگێرتەی گردو گەشمەرڎا کوردسانی یادۍ کریێوە.
سەرو نامێ بنەیانەو زۆزان حەسەکەی ، ڕامان فاتمی قسێش کەردێو واتش: "مەتیێزێکم ٣٤ ساڵێ جە ئەرەکۆشای ئازادیینە یاگێش گێرتە. جە کەشە ئازادەکا، جە شەنگالەنە، جە کۆبانێنە جەنگش کەرد و پەی ئازادیی گەشمەرڎێ بیە. پۊکەی زۆزان حەسەکە گەشمەرڎێ گردیمانە".
نوێنەروو پەیەدەی جە ئەوروپانە، مزگین ئەحمەد سەرنجش وست سەرو یادگارییەکا چەنی گەشمەرڎێ زۆزانێ و گرنگی شۆڕشوو وەرنیشتی کە تەنیا شۆڕش سەروازی نەبیەن، بەڵکو شۆڕشو زۋانی و چاندی و ئازادیی ژەنێ بیەن، سەرو بنەماو کۆنفیدراڵیزمی دیموکراتی شۆڕشێوە ڕادیکاڵی ئەرەمەرزیا، واتش: "دەوڵەتو تورکی دوژمنایەتی دەسکەوتەکا کوردا کەرۆ، هەر یاگێوە کوردێش چنەبۆ، کۆمکوشی کوردا ئەنجام مرۆ. پۊکەی ئەشۆ پەی پارێزناو دەسکەوتەکاما ئەرکۆشایما گەورەتەر کەرمێ".
دماو نیشاندای سینڤزیۆنێوە یادکەردەکەی بە درووشمەو "گەشمەرڎۍ مەمرا" دمایش پنە ئاما.
