هامسەرۊکو شارەوانی جولەمێرگی محەمەد سدیق ئاکیش پەیامش پەی گلېرۆبېیەی ئیستەنبوڵی کیاست و واتش: "کۊششما کەرد بە هەر قیمەتېوە بۊ ئا قەولەیە بەدی بارمێنە کە بە گەلەکەیما دابێما، پەیمانۊ ئېمە، پەیمانۊ ئاشتی و یەکسانی و ئازاڎی بۍ".
ئیستەنبوڵنە دژو دەسسەرەرەگېرتەی شارەوانی جولەمێرگی گلېرۊبېیەی کریا، هامسەرۊکو شارەوانی جولەمێرگی محەمەد سدیق ئاکیش پەیامێوەش پەی گلېرۊبېیەکەی کیاست و واتش:
"هەوڵما دا بە هەر قیمەتېوە بۊ ئا قەولەیە بەدی بارمۍ کە بە گەلەکەیماما دابۍ. ئی قەولەما بە سەربەرزییوە جە دادگانە درکنا. ئارۊیچ ئڼەو سەرە چەنېوە پەشیمانۍ نېیەنمۍ.
دماتەر ٣ ڕوۍ وەڵۍ ئەرەنیشتەو دادگای، بە بەهانۍ ئاسایی دەسبەسەر کریانی و ڕەوانەو زیڼانوو وانی کریانی. ئەگەر چێگەنە جە ئاژەو من پەرسدۍ، تەندروستی و مۆڕاڵم فرە عالا. مۆڕاڵی بەرزوو گەلەکەیما بە زینڎەیی مازۊماوە. بە دڵ و گیان مبارەکبایی جە هەڵوێسوو پارتەکەیما و گەلەکەیما و شمەی هێزەکاو ڕەنج و ئاشتی و دیموکراسی مکەرو دژوو ڕژێمو قەیومی. سڵام و ڕێز و وەشەسیایی کیانوو پەی هێزەکاو ڕەنج و ئاشتی و دیموکراسی ئیستەنبوڵی کە ئارۆ دژوو کودەتاو سەرو ئیرادەو گەلی کوۍ بیێوە و ئامۍ پاڵوو گەلەکەیما، جە مېڎانەکانە با یا بەروو مېڎانەکاوە".
