کۆمیتەو ڕاوەبەریی تەڤگەروو شۆڕشی یۆگێرتەو گەلا (هەبەدەهە) ئی ئەرەیاونایەشە وەڵا کەردۆ:

"سەرەڕاو گردوو ڕاگێرییەکاو دەسەڵاتداری، سەرەوردای دژوو ستەم و نادادی، گردوو ساتەکاو تارێخییەنە سەرەش وردان و بەردەوامیچ مبۆ. گردوو ساتەکاو تارێخییەنە شۆڕش کە تارێخ و کۆشیای بندەساش وستەن وەڵێ، کریان."

'پەی وەرکەوتوو دلێڕاسەی شۆڕشوو وەرنیشتی فرە گرنگەن'

درێژەو ئەرەیاونایەکەینە باسوو گرنگیی شۆڕشوو وەرنیشتی مکەرۆ و پێسە بەردەوام مبۆنە: "شۆڕشوو وەرنیشتی ئارۆنە پەی وەرکەوتوو دلێڕاسەی گرنگیێوی فرەش هەن، ، سەرەوردای دژو ستەم و فشاروو سەروو گەلاو سەرنیشتوو سوریای و گەلوو کوردی، کە پەی ئازادیی وێشا مکۆشیانە، ئەرەمەرزنای ژیواێوی ئازاد و یەکسانی و نیشانەدای ئێرادەو جەنگێوی هامبەشییا. سڵام جە١٢ەمین ساڵوەگێڵوو شۆڕشوو وەرنیشتی مکەرمێ."

درێژەنە ئاماژە پانەیە مکەرۆ، دەسەڵاتداریی ئاکەپە-مەهەپە ئەوەڵۆ دژوو شۆڕشوو وەرنیشتینە هجوومش کەردەن و و بەردەوامیچا چا هجووما و ماچۆ: "دەسەڵاتداری ئەردۆغانی بییەی ئازادیی گەلوو کوردی و گەلاو هەرێمەکەی پێسەو هەڕەشێوی دژوو وێش موینۆ، پەوکای گرد وەختێ تێکدای و لاوازکەردەی شۆڕشوو وەرنیشتی بییەن بە ئامانجی سەرەکیی دەسەڵاتداری فاشیستی."

'قڕکارییەکەو پرسوسی دژوو کۆشیای هامبەشین'

ئەرەیاونایەکەی باسوو کۆکوشیی پرسوسی مکەرۆ و ئاماژە پانەیە مکەرۆ،  ٣٣ گەنجێ پەی پەشتگیری مدرامانەکاو کۆبانێ لوێبێنێ کۆبانێ، لاو فاشیزموو ئاکەپە-مەهەپەیوە کوشیێ و ماچۆ: "قڕکارییەکەو پرسوسی هجوومێوەن دژوو کۆشیای هامبەشوو گەلاو کوردستانی و تورکیای. هەرپاسە قڕکەردەی گەنجە ئەنتەرناسیۆنالیستا پێسەو دەسپەنەکەردەی هجوومەکا دژوو سەرنیشتوو کوردستانی، وەرنیشتی و هەرێمەکانوو پارێزنای مەدیای منریۆرە."

'بنەیانەو بارزانی و پەدەکەی هامکارێنێ پەی بەیاگەیاونای ئامانجوو فاشیزمی'

جە بەردەوامیی ئەرەیاونایەکەینە باس جە فراوانبییەی ئەرەگیرکارییەکاو دەوڵەتوو تورکی ئەرەگیرکەری مکەرۆ و ماچۆ: "فاشیزموو ئاکەپە-مەهەپەی چی دمایاوە هجوومەکێش سەروو هەرێمەکاو پارێزنای مەدیایوە زیاتەرێ کەردێنێ. چی مژارەێچەنە بنەیانەو بارزانی و پەی بەیاگەیاونای ئامانجەکاو فاشیزمی گردو دەرفەتەکاشا سەفەربەرێ کەردێنێ. فاشیزم کە وەراوەروو کۆشیای گەریلاینە لاواز بییەن، گرد تاوانێویی جەنگی مکەرۆ، پەی ماڕای ئیرادەو گەریلای."

ئاخرۆ هەبەدەهە بانگەوازوو سەفەربەریی کۆشیای مکەرۆ و  ئاماژە مکەرۆ پانەیە گردوو کۆشیایشا پەی ئاردەیدیی وەرموو ٣٣ گەنجا گەشمەردان و ماچۆ: "گردوو دەرفەتەکاما سەفەربەرێ بکەرمێ تا دەسەڵاتداریی فاشیستی ئاکەپە-مەهەپەی بماڕمێنە، ڕۆ ڕۆو وێڕێکوستەیا دژوو فاشیزمی و جەمۆبییەی دەوروو عەلەمەو شۆڕشی یۆگێرتەینە."