هەبەدەهە، دەنیز گزمیش و هەڤاڵەکێش ویر ئاوردێوە و واتش: "وەختوو ئانەین پېسە ئاڎیشا بەرەو وەڵۍ هەنگامە بنیەیمۍ و فاشیزمی هۊرشێونمێوە. ئەرکی خێرا و ڕووانەو ئێمە دلېنەبەردەی فاشیزمین و مسۆگەرکەردەی ئازاڎیی و ڕزگارییا."
کۆمیتەو ڕاوەبەری جمیەروو شۆڕشگێڵنی یۊگێرتەو گەلا(هەبەدەهە) پەی ساڵیاڎوو جە قەنارەدای هەڤاڵ دەنیزی و هامڕاکاش، ئەرەیاۋنێوەش وەڵاکەردۆ.
جە ئەرەیاۋناکەینە ئامان، "تەنانەت جە دما هەناسەشانە، زانانشا کە وەڵتەر سەرکەوتەیشا بەدەسئاردەن و ئا ئاێرەی کە گیسنانشانە، کۆمۆنیزمی گەش مکەرۆ".
دەنیز و هەڤاڵەکێش بیۍ بە سەرمەشقۍ ئاخێزوو یۆگێرتەو گەلاو تورکیای و سەرنیشتوو کوردسانی و ڕێبازو سەرەتاو گەریلای و یەکلاکەرەوەو کۊشیای سۆسیالیزمی و دیموکراسی. دەسەڵاتدارۍ زانێنۍ مەبەسوو دەنیزی و هەڤاڵاش چێشا، حەرپاسە ئا ئەرەبڕیە شۆڕشگێڵنییەی کە جیلوو شۆڕشگێڵنی ئەنجامشا دا، چ مەعنێوەش بۍ. دەنیزو هامڕاکێش پەی ئاخێزی دەسوەڵێوستەیشا کەرد، ئاڎۍ نیشانەو گلېرگەیشا دا کە ئازاڎیی و ڕزگاری بە شۆڕش سەرکەوتە بۆ."
جە درێژەو ئەرەیاۋناکەینە ئامان کە جە ٥٢ەمین ساڵیاڎوو جە قەنارەدایشانە، دەنیز و هەڤاڵەکێش و جیلوو کۊششکەرا شۆڕشگێڵنی ئانڎەی تەر جە تەرەفوو گەلی ڕەنجدەریوە یاڎشا مکریۆوە و درێژە بە کۊشیایشا مڎریۆ، ئێمە پېسە شۆڕشگێڵنا، جەماوەری زەحمەتکێشی بە تاسە و زانابیەیۆ یاڎشا مکەرمېوە، ئاڎۍ بیۍ بە ئاڵاو کۊشیای و کردەوەی و ڕەمزوو سەرکەوتەی. "ئا هێزە شۆڕشگێڵنۍ جەنگ مکەرا، پېسە نموونەی هەنگامەو شۆڕشگێڵنانۍ ۋێشا زیاتەر بەرەو وەڵۍ بەرا". جەمەو کرێکارا جە هەر هەنگامێوەشانە، جە گرڎ شۊنێنە بەردەوام سڵام جە دەنیزەکا و سەرمەشقە گەورەکا ئاخێزەکەیما مکەرا و ۋێنەکاشا بەرز ڕاگێرا و باسوو ژیۋای ۋێشا مکەرا و بە دروشمەکاشا دژوو دوژمنی مرداوە."
جە درێژەو ئەرەیاۋناکەو هەبەدەهەینە ئاماژە پانەیچ کریان "دەنیز، یوسف، حوسێن بیۍ بە تەرسە و وەحشەتی فاشیزمی، ڕابەرە شۆڕشگێڵنەکۍ گەلەکەیما بە نەمرییشا، بیۍ بە هیواو ڕزگاری کرێکارا، ڕەمزوو ئاخێزوو کۊششکارا ئازاڎیی.
پېسە جمیەروو شۆڕشگێڵنیی یۆگێرتەو گەلا، پېسە هێزی، ئارۊیچ خاوەنداری جە سەرمەشقەکا ئاخێزوو یۆگێرتەیما مکەرمۍ. بە ویرئاردەیۆ دەنیزەکا و کۊشیای شۆڕشگێڵنانەیشا، خاوەنداریشا تەنیا بە کۊشیای پېسە دەنیزەکا و وەڵێکۊتەیۍ یەکلاکەرەوە ئەنجام مڎریۆ.
هەبەدەھە ئەرەیاۋناش کە گەلوو تورکیای و سەرنیشتوو کوردسانی ساڵانێوە فرەن ئینۍ چێروو تیرۆری فاشیزمینە و ئەرەیاۋنانش، "کۆمکوشی، گێرتەی، هجووم پەی سەروو مدرامانوو کرێکارا و چالاکییە دیموکراتیکیەکاشا بە بەردەوامی درێژەش هەن. جە دژوو هجوومەکا سەروو گەلی مدرامان مشۊم بەرز بکریۆوە و گەشە بکەرۆ."
حەرپاسە ئاماژە بە هجووم و جەنگەکا سەروو ۋەرنیشتی و هەرێمەکاو پارېزنای مێدیای کریان و ماچۆ: "حۊڵ مڎۆ ۋێش جە دلێنەشیەی ڕزگار بکەرۆ. کۊشیای بەقوەتوو گەریلای و گەلەکەیما گورزێوە قورسەش ۋنەو دوژمنی دێنە و پەیکەروو فاشیزمی هۊرشێویۆوە."
جە سەردەموو کۊشیایۍ شۆڕشگێڵنانەی بەقوەتی چانەینە، دەنیز گزمیش و یوسف ئەسلان و حوسێن ئینانەکاما مارمێوە یاڎ. دەنیز و هەڤاڵاش و نەوەی شۆڕشگێڵنشا پا ئاێرەی هۊرشا کەرد و بە جەنگی چارەنووسسازشا پەی ئێمە بیۍ بە ڕۊشنایی. وەختوو ئانەینە ئێمەیچ پېسە ئاڎیشا پەی هۊرشێونایۆ فاشیزمی هەنگامە بنیەیمۍ.
دەنیزەکا، ماهیر و ئیبراهیم و مەزلومەکا ڕاو سەرکەوتەیشا پنە نیشانەدایمۍ. ئەرکی خێرا و ڕووانەو ئێمەن پەی هۊرشێونایۆ فاشیزمی و مسۆگەرکەردەی ئازاڎیی و ڕزگاریی."
