بە وێنیشانداێوی جەماوەری هجوومە چەکدارییەکەو سەروو بارەگاو پارتو یەکسانی و دویموکراسیی گەلا (دەم) پارتیی مەنتێقەو بێرەجووکوو ڕحای شەرمەزارێ کریێ. چالاکییەکەنە هامسەرۆکەو شارەوانیی دەم پارتی بێریڤان ئیلکایە و چندین کەسێ تەرێ بەشدارێ بێنێ.

چالاکییەکەنە پانکارتێ بە نویستەی 'ئێمە ئینایمێ پێوە، بە مدرامان گەشە مکەرمێ، ئێمە نمەتەرسمێ و ئینایمێ چێ' بەرزێ کریێوە.

وێنیشاندایەکەنە هامسەرۆکوو دەم پارتیی شارەکەی بەکر کاراکەچیلی قسێش کەردێ و ئاماژەش دا ئانێ ئی هەرمان و سیاسەتا مکەرا، ویرۆکەردەیشا چەتەگەرایین و واتش: "بەگیت و بنەیانێوی بە ڕۆی ڕۆشن ئی هەرمانا مکەرانێ و هیزی شەوێ ئینەشا کەرد. با خەڵکوو بێرەجووکی بزانا، ئامانجشا چی هەرمانا ئاژاولێنە. دەم پارتی نمەگنۆنە دلێ تەڵەو ئاژاولاوە. ناڕازیبییەی دیموکراتیکانەو وێما نیشانە مدەیمێ. شمە پی هەرماناتا نمەتاودێ هیچ ئەنجامێوتا بۆ. گەر محەمەد بەگیت و بنەیانەکەش ئی ئاژاوا گێڵناوە، گەل سزایێ پەنەوازەشا مدۆنێ. هیچ کەسێو مافو ئانەیش نییا ئامانجوو گەلی تێک بدۆ. پێویسا دەمودەس دەس جە هەرمانێ بکێشنۆوە."