ناوەندوو ئەرەیاونای و چاپەمەنیی هەپەگەی ئەرەیاوناێوەش وەڵا کەردۆ و ئاماژەش دا هجوومەکاو دەوڵەتی قڕکەروو تورکی بە چەکی کیمیاوی بەردەواما، درۆنێوی بۆردومانکەر بە چالاکیی نیشانەماڕێ گەریلای وزیانرە واری.

ناوەندوو ئەرەیاونای و چاپەمەنیی هەپەگە پێوەس بە چالاکییەکاو گەریلای و هجوومەکاو سوپای ئەرەگیرکەرەو تورکی ئی زانیارییێشە وەڵێ کەردێوە:

" لە هەرێموو گەشمەردە دەلیلوو وەرنیشتوو زاپی؛

١٥و گوڵانی سەعات ٠١:٣٠٠ دەیەقێ مەیدانوو مدرامانوو کەشوو ئێف ئێمینە وەراوەروو ئەرەگیرکەراوە، کە هەوڵێ دێنێ تەقەمەنیی قەدەغەکریا سەروو تونێلەکاماوە بەکار بارانێ، بە چەکی تاکەکەسی وەرپەرچشا دریاوە و مردنیێ.

١٥و گوڵانی سەعات ١٢:١٦ مەیدانوو مدرامانوو کەشوو ئێف ئێمینە بە چالاکی نیشانەماڕێ گەریلای، درۆنێوی بۆردومانکەر وزیارە وار.

١٥و گوڵانی سەعات ١٧:٠٠ مەیدانوو مدرامانوو کەشوو جودی-ینە هێزەکاو یەژا ستاری بە چەکی قورس گورز وەنەو ئەرەگیرکەرا شنیا.  

هجوومەکاو سوپاو دەوڵەتی ئەرەگیرکەروو تورکی بە تەقەمەنیی قەدەغەکریا؛

١٥ و ١٦و گوڵانینە مەیدانوو مدرامانوو کەشوو ئێف ئێم-ینە هەرێموو گەشمەردە دەلیلوو وەرنیشتوو زاپینە ١١ جارێ بە گازی ژەعراوی کیمیاوی هجووم دژوو تونێلەکاما کریان.  

١٥و گوڵانی سەعات ١٧:٤٥ دەیەقێ مەیدانوو مدرامانوو کەشوو ئامێدی-ینە جارێو بە چەکی قەدەغەکریا بۆردومان کریا.

هجوومەکاو سوپاو دەوڵەتی قڕکەروو تورکی؛

١٥و گوڵانی مەیدانوو مدرامانوو دەرگەلینە هەرێموو مەتیناینە ٣ جارێ بە فڕۆکە بۆردومان کریان.

لە ١٥ و ١٦و گوڵانینە مەیدانەکاو مدرامانوو شێلازێینە، قەسرۆک و گۆلکاو هەرێموو مەتیناینە بە هەلیکۆپتەر بۆردومانێ کریێ."