هەپەگە ئەرەیاوناش جە هجوومە عاسمانی و زەمینییەکاو دەوڵەتی ئەرەگیرکەروو تورکینە، حیچ زەرەرێوەشا پەنە نەیاوان و واتش: "پێویسا گەلی وەڵاتپارێزنما و رای گردین بزانانێ، گردوو ئا هەواڵا کە بانگەشەو زەرەروەنەکەوتەی ئێمە مکەرا دروێنێ."
ناوەندوو ئەرەیاونای و چاپەمەنیی هەپەکەی ئەرەیاوناش: "سوپاو تورکی ئەرەگیری و میدیایەکاو جەنگی تایبەتی هەرێمەکاو پارێزنای مەدیای، عاسمان و زەمینۆ بوردومان مکەرۆ و پارچە جیاوازەکاو کوردسانی موزۆنە دلێ ئەرەیاونایەکاشاوە، گرد ڕوێ زەرەکاما پێسەو هەواڵی تازەی نیشانە مدۆنە، ئیساتێ سوپاو تورکی هەرێمەکاو پارێزنای مەدیاینە گیرش واردەن و پەی دەربازبییەی پەناسا پەی هامکاری و خیانەتی بەردێنە و ئینەیچ دەردێشا دەرمان نمەکەرۆ. پەوکای پەشتی بە جەنگی تایبەتی و ئا هەواڵا مبەسانە کە سەروو مێزەکاوە ئامادێ مکریا. بانگەشەو ئانەیە مکەرا کە گەریلا زەرەرش وەرکەوتەن. با گەلی وەڵاتپارێزن و ڕای گردین بزانا ئا هەواڵێ گرد دروێنێ. بوردومانەکانە کە ماچا ئێمە هیچ زەرەرما وەرنەکەوتەن. گەریلاکاو ئازادیی کوردسانی پا ئەزموونەیە کە هەنشا جۆرە جووڵە و جمیەرێوە وەش بییەن، کە گردوو هجوومەکا بەتاڵێ مکەراوە. سوپاو تورکی ئۆپەراسیۆنی عاسمانی مکەرۆ و بڕێ مەیدانێ بە یەکجاریی بوردومانێ مکەرۆ، بەڵام ڕاما چینەیە گێرتێنە و هیچ زەرەرێوەما وەرنەکەوتەن. "
پێوەس بە چالاکییە کریایەکاو گەریلایوە و هجوومەکاو سوپاو تورکی ئەرەگیریوە ئی چێوێ بەرێوزیێنێ:
"هەرێموو گەشمەردە دەلیلوو وەرنیشتوو زاپی
٢٦و تەمووزی سەعات ٠٩:١٥ دەیەقێ مەیدانوو مدرامانوو کەشوئامێدی بە چەکی قورس گورز وەنەو ئەرەگیرکەرا شنیا. چالاکییەکەی هێزەکاو یەژاستاریما کەرد.
٢٦و تەمووزی سەعات ٢٠:٤٢ دەیەقێ چا وەختەنە کە ئەرەگیرکەرێ هەرێموو مدرامانوو کەشوو ئامێدیینە کەوتێ جووڵە، بە چەکی نیو-ئۆتۆماتیک گورزشا وەنە دریا وجە جووڵە وزیێ.
٢٧و تەمووزی هێزەکێما دەسێشا جە هەلیکۆپتەرێوە کەردێوە کە گەرەکش بێ مەیدانوو مدرامانوو کەشوبەهارینە بنیشۆوە.
هجوومەکاو سوپای ئەرەگیرکەرەو تورکی بە تەقەمەنیی قەدەغەکریا؛
٢٦و تەموزینە تونێلەکاو جەنگیما مەیدانوو مدرامانوو کەشو جودینە ٣ جارێ بە تەقەمەنیی قەدەغەکریا بۆردومانێ کریێ.
٢٦و تەموزی تونێلەکاو جەنگیما مەیدانوو مدرامانوو کەشو جودیینە، جارێوە بە تەقەمەنیی قەدەغەکریا بۆردومانێ کریێ.
هجوومەکاو سوپاو تورکی ئەرەگیرکەری
٢٦ و ٢٧ تەمووزی مەیدانەکاو ئاسکۆلک، کەشوو ڕۆژی، کەشوو گەشمەردە جیهانی و بۆبلیسکانی هەرێموو قەندیل ٥ جارێ، مەیدانەکاو کانی سارکێ، دەشتەو کافیای، گوزێ، سێدارێ، دێرەشە، مێران، مەیرۆک و دێریکوو هەرێموو گارەی ١٧ جارێ؛ بە گردیوە ٢٢ جارێ بە فڕۆکەی جەنگی بۆردومانێ کریێ."
