هەپەگە: هەڵوێستی جەنگاوەرانەی ئاپۊییانەو هامڕاکاما هەرگیز یاڎما مەشۊوە
هەپەگە ئەرەیاوناش، ٢٩و ئەیلوولینە زاپنە، ٣ گەریلۍ گەشمەرڎۍ بیۍ و ماچۊ: "هەڵوێستی جەنگاوەرانەی ئاپۊییانەو ئاڎیشا، فیداکاریی گەورەشا، ئەوان، ئازایەتی و هەوڵێشا، هەرگیز ویر مەشۊوە".
ناوەندوو ئەرەیاونای و چاپەمەنیی هەپەگەی، دەربارەو یەرۍ گەریلا گەشمەرڎا، ئینەش وەڵا کەرڎۊ:
"٢٩و ئەیلوولی جە هجوومێوە دوژمنینە پەی سەروو هەرێموو گەشمەرڎە دەلیلوو وەرنیشتوو زاپی، هامڕێما ماهیر عەلی شێر و ئەدیسا و مەزڵوم گەشمەرڎۍ بیۍ.
دوژمن زاپنە جە ڕووەو تاکتیکییوە گیرش وارڎەن، هامڕێما ماهیر عەلی شێر و ئەدیسا و مەزڵوم بە تەرزەو جەنگی تیمی پسپۊڕانەی سەروو زەمینیوە و دلۍ تونێلەکانە، چندین تاکتیکێشا بەسەرکەوتەیی کەرڎۍ و گورزی گەورەشا دا دوژمنی، هامڕێکێما پا جەنگە فیڎاکارانەیە کە کەردشا، بیۍ نموونەو جەنگاوەری ئاپۊیی. هامڕێما ماهیر عەلی شێر و ئەدیسا و مەزڵوم گردوەختێوە ژیوایشا بە هاگابییەی جە یاڎوو هامڕا گەشمەرڎەکاشا و کۊشیایشا بەرد سەر. جە کەسێتیی وێشانە، نوێنەرایەتیی جەنگاوەریی شۊڕشگێڵنیی هامچەرخیشا کەرد. بیۍ بە قارەمانۍ نەبەزیۍ وەراوەروو دوژمنینە، گورز سەروو گورزی داشا وەنەو دوژمنی و پلانەو ئەرەگیریی دوژمنیشا پووچەڵە کەرڎۊ. هەڵوێستی جەنگاوەرانەی ئاپۊییانەو ئی هامڕا قارەمانا، فیڎاکاریی گەورەشا سەنگەرنە، ئازایەتیی گەورەشا و هەوڵێشا، حەرگیز ویرۍ مەشاوە بەڵکوم بۊ بایسوو کۊشاێوە تەریچ گەورەتەر.
پی هەست و سۊزاوە، سەرەوەشی جە بنەیانەو هامرا گەشمەرڎەکاما ماهیر عەلی شێر و ئەدیسا و مەزڵوم و تەماموو گەلی وەڵاتپارێزنوو کوردستانی کەرمۍ.
زانیارییەکۍ دەربارەو شناسنامەو هامڕا گەشمەرڎەکاما پێسنەنە:
شناسنامێ: ماهیر عەلی شێر کۊچگەری
نامۍ و دمانامێ: ئۊنور کاپار
یاگۍ پەیڎابییەی: ئیستەنبوڵ
نامۍ ئەڎێ-تاتەی: سەنەم - مەتین
وەخت و شۊنەو گەشمەرڎەبییەی: ٢٩ و ئەیلوولوو ٢٠٢٣/زاپ
شناسنامێ: ئەدیسا مونزور
نامۍ و دمانامێ: جاندا شێخموس
یاگۍ پەیڎابییەی: عامودا
نامۍ ئەڎێ-تاتەی: عەدلە - عەبدولقادر
وەخت و شۊنەو گەشمەرڎەبییەی: ٢٩ و ئەیلوولوو ٢٠٢٣/زاپ
شناسنامێ: مەزڵوم دژوار
نامۍ و دمانامێ: بەکر مەحمود حەسەن
یاگۍ پەیڎابییەی: عەفرین
نامۍ ئەڎێ-تاتەی: مونا - محەمەد
وەخت و شۊنەو گەشمەرڎەبییەی: ٢٩ و ئەیلوولوو ٢٠٢٣/زاپ
