ئەرەیاۋناو ناوەڼو ئەرەیاۋنای و چاپەمەنی هەپەگەی پی جۆرەنە:

'٤و حوزێرانو ٢٠٢٤ جە ئاکاموو هرووژمەکا دوژمنینە پەی سەرو مېڎانوو ماسیرۆی مەنتیقەو ئەلباکی وانی تیمێوە گەریلای کریۍ ئامانج. جەنگاوەرا ئاپۆیی قارەمانۍ هەمڕێما سەرهەڵدان و فیراز کە چا هرووژمەو دوژمنینە زامڎارۍ بیۍ، پەی ئانەی بەزیڼەیی نەگنا دەسوو دوژمنی، بە گیانبازی یاوۍ بە کارەوانوو گەشمەرڎا. وەختۍ ئا فەرماندۍ پاڵوو هەمڕایاما سەرهەڵدانی و فیرازینە مەیلوو ۋێدایدەسۊیشا نیشانەدا، ئاڎۍ گیانبازیشا هۊرچنی. هەڵوێسی قارەمانانەو هەمڕایاما سەرهەڵدانی و فیرازی جە دژوو دوژمنی، رۆحی فیدایی ئاپۆیی کە ۋێش نمەڎۆ دەسۆ، چی سەردەمەنە وێنا کەرد. ئا هەڵوێسەو هەمڕایاما سەرهەڵدانی و فیرازی چی ڕووانە کە ئێمە پێشوازی جە ساڵیاڎو مڎرامانوو ١٤و تەمووزی مکەرمۍ بی بە درێژەدای بە هەڵوێسوو کەمال پیری و خەیری دورموشەکا کە خیانەت و ۋێدایدەسۆیشا جە ژوورە سیا و تایرکەکا زیڼانو ئامەدی وست چېرو خاکی.

هەمڕێکێما کە بە ئاگاڎاری دژوارییەکا جەنگی جە سەرنیشتوو کورڎەسانینە بێنۍ، جە دژوارتەرین مېڎانەکانە ئەرکە شۆڕشگێڵنیەکېشا بە شێوێوە شایسە جابەجێکەرد، بە پاو رۆحوو سەردەمی بیۍ بە خاوەن ۋەرپرسیاری. پەی پارېزنای دەسکەوتەکا گەلەکەیما، کە بە رەنجێوە گەورەی رابەرایەتیما خولقیێنۍ، بە بێ دووە دڵی ئەرەکۊشۍ. پەی ئانەی دەوڵەتو تورکی قڕکەری و کۆلۆنیالیستی نەیاوۆ مەرام، سینەو ۋێشا کەرد بە قەڵغان و جە تاریخوو ئەرەکۊشایمانە بەشدارۍ بیۍ و پەی پەرەپنەدای بە ئەرەکۊشایما کە سەرو هێڵۊو گیانبازی بە قوربانیدایۍ فرە وەڵۍ وزیان، ئەرەکۊشای گەورەشا کەرد. بە ئاگاڎاربیەی جە هرووژمەکا سوپاو تورکی ئەرەگیری دژوو گەلەکەیما و جمیەرەکەیما، ئەرکێوە تاریخیشا جە ئەستۆ گېرت. چنی ئانەیچ کە هەریۆشا خەلکو مەنتیقێوە جیاوازوو کورڎەسانیچ بێنۍ، بیۍ نمونە پەی یۊبیەی نەتەوەییما. بە پاو بنەماکا پەیوەندی قووڵ و هەمڕایی و دڵسۆزی پەکەکەی پەی گەشمەرڎا جمېوە و بەشداریۍ پەڕ ورە و پەڕ جۆش و خرۆششا بۍ. جە دژوارتەرین هەلومەرجیچەنە سازششا سەرو هەڵوێسی ئاپۆیی نەکەرد و ئەرکەکۍ هەمڕایشا یاونۍ مەنزڵ. بە گەشمەرڎەبیەیشا نیشانەشا دا کە مشۆم هەڵوێس و مڎرامانوو جەنگاوەرا فیدایی ئاپۆیی چنین بۆ.

سەرەوەشی جە بنیانەو هەمڕایاما سەرهەڵدانی و فیرازی و گرڎوو گەلی وڵاتپارێزنوو کورڎەسانی مکەرمۍ و بە رێز و پنەزانایۆ سەرەو ۋێما ۋەراۋەر بە یاڎوو یاڎەوەری ئاڎیشانە منامنمېرە.

زانیاری سەرو ئشناسنامەو هەمڕا گەشمەرڎةکاما پی جۆرەنە:

ناسنامۍ / سەرهەڵدان کوردۆ

نامۍ و دما نامۍ / رێبوار ئەمینی

شۊنماو جە ئەڎابیەی / مەریوان

نامۍ ئەڎۍ و نامۍ تاتەی / مەستورە - رەحیم

شۊنماو کاتوو گەشمەرڎەبیەی / ٤و حوزێرانوو ٢٠٢٤/ وان

*****

ناسنامۍ / فیراز ئارژین

نامۍ و دما نامۍ / بارزان نوماش

شۊنماو جە ئەڎابیەی / وان

نامۍ ئەڎۍ و نامۍ تاتەی / کیبار - بایرام

شۊنماو کاتوو گەشمەرڎەبیەی / ٤و حوزێرانوو ٢٠٢٤/ وان