هێزەکاو ڕزگاری عەفرینی جە ئەرەیاۋنێوەنە سەبارەت بە چالاکییەکا ئی دماییە جە دژوو چەتەکا زانیاریش وەڵا کەردۆ.

جە ئەرەیاۋناکەینە ئامان، هێزەکېشا جە ١٩و ٢٠و تەمموزینە ٢ چالاکیۍ دەسسەرەرەگێرتەیشا جە مارێ و عەزازەنە کەردێنۍ.

جە درێژەو ئەرەیاۋناکەینە ئانە وزیان ڕووە: "جە ١٩و تەمموزینە هێزەکېما جە دووۍ قۆڵېوە جە هێڵۊو مارع-یوە لوێنۍ دلۍ سەنگەرەکاو دوژمنی و گورزێوە قورسەشا جە چەتە ئەرەگیرەکا شانێنە، پێگە و سەنگەرەکاو دوژمنیشا بەتەمامی وڕنۍ و ئەرەگیرەکېچ سزادریۍ. جە ئاکاموو ئی چالاکییەینە ٤ ئەرەگیرۍ کە یۆشا فەرماندەبۍ کوشیۍ و ٤ ئەرەگیرێچ زامڎارۍ بیۍ. هاموەخت ترۆمبێلېوە دۆشکە هۊرگیریچ دلېنەبریا.

هێزەکۍ رزگاری عەفرینی سەبارەت بە چالاکییەکەو ٢٠و تەمموزی پیجۆرە زانیاریش دان: "جە ٢٠و تەمموزی هێزەکېما جە هێڵۊو عەزازی داشا سەرو چەتە ئەرەگیرەکارە و جە ئاکامەنە، پێگە و سەنگەرەکۍ دوژمنیشا شێونۍ و هێزەکېما لوۍ سەرو لاشەو ئەرەگیرەکا. جە ئاکاموو چالاکییەکەینە ٦ ئەرەگیرۍ سزا دریۍ و ٣ چەتێچ زامڎارۍ بیۍ. جە هەمان کاتەنە ٢ ترۊمبێلۍ سەروازیۍ دلېنەبریۍ. چی چالاکییەنە ٣ چەکۍ جۆرو AK-47 و ٢ ڕەختۍ و ١١ مەخزەنۍ AK-47 و تەلەفۆنێوە و ئامێرێوە بێ تەل HYT چنی چڼین کەرەسا تەری جە لایەنوو هێزەکاماوە دەسشا سەرەرە گیریا."

جە درێژەو ئەرەیاۋناکەینە ئاماژە پانەی کریان کە دماو چالاکییەکاشا، دەوڵەتو ئەرەگیرو تورکی و چەتەکېش هرووژمشا کەرد سەرو گەلی مەدەنی مەنتیقەکەی بە بێ جیاوازی و بە تانک و تۆپە دەگایەکۍ شەهبایشا کەردۍ مەرام، جە ئاکامەنە هاموڵاتیێوە زامڎار بی و زەرەری مادی بە گەلەکەیما یاوان.

جە دمایی ئەرەیاۋناکەو هێزەکاو رزگاری عەفرینینە ئامان، "چالاکییەکېما جە ۋەرا ۋەرو هرووژمەکا دوژمنینە درێژەشا مبۆ."