جە شارەکڷەو دزڵیۍ سەر بە هەرێمو هەورامانی، چنڎ ڕاوکەرێ شناسنامە نادیارێ تاوانێوی ژیوگەیشان ئەنجامدان. هەواڵەکۍ جە شارەکڷەکەوە باس جە ئانەی مکەرانێ کە ڕاوکەرەکێ جە کەردێوی نائینسانییەنە چنڎ سەرێ ئاژەڵۍ کۊیێشان بێبەزەییانە کۆشتێنۍ.

کوشتەو ئاژەڵە کۊییەکان، ناڕەزایەتییش خەڵکیش ونەکەوتەنەوە و دزڵیەکۍ داواکارێنۍ جە لایەنە پەیوەندیدارەکان ڕاوکەرەکان بئێزانێوە و سزاشان بڎانێ. 
دزڵیە ناڕازییەکۍ واتەنیچشان: پنەوازەن دەسەڵات جە هەرێمەکەنە ڕاکارێ تنڎ تەرێ دژ بە ڕاوێ و ڕاوکەرەکان بگێرۆنەوەر و بە ئاسانی ڕا نەڎۆنە چنڎ ڕاوکەرێ بێویژدانێ پەی حەزێ و ئارەزووەکانشان قڕ بوزانە ئاژەڵێ و ژیوگەو ناوچەکەی.بەڵکو مشیۆم بە تنڎ تەرین شێواز مامەڵەشان چەنی بکریۆنە و سزێ قورسێ بدریانێ.
هاموەخت داوا جە خەڵکی کریان تا ئەگەر هەر ڕاوکەرێوشان جە ناوچەکە دی، ڕووبەووش بمدرانێوە و هاموەخت خەڵکی و لایەنە پەیوەندیدارەکاش چنە ئاگادارێ بکەرانێوە.