سوپاو پاسدارا جە دەگێوەشارو شنۆینە هرووژمش کەرڎەن سەرو یانېوە و پامەڵامەتۆ لاوکەمیۆ کەسېوە کوشییان، کەسېوەیچ بەزامڎاری گیریان، سوپاو پاسدارا بانگەشەو ئانەی مکەرۊ کە گروپێوە هېزە ۋەرهەڵسکارەکاش کەرڎەن مەرام.
بەپاو هەواڵێوە تۆڕەو مافەکا مرۆڤوو کورڎەسانی هێزەکاو سوپاو پاسدارا جە دەگاو تاژاندەرەی شنۆی دماو گەمارۆدای یانێوە، بە ئار پی جیە هرووژمشا کەرڎەن سەر و جە ئاکامەنە کەسێوە کوشیان و کەسێوەتەر بە زامڎاری گیریان.
قەرارگەو هەمزەو سوپاو پاسدارا بانگەشەو ئانەی مکەرۆ کە گروپێوە سەر بە پارتە کوردیە ۋەرهەڵسکارەکا کۊتېنۍ دامیۆ و "دلېنەبریێنۍ".
سوپاو پاسدارا هیچ ئامارێوەش جە بارەو ئا ڕووبەڕوو بیەیۆ نەوستەن ڕووە، تەنیا باسش جە کوشتەی و زامڎرابیەی چن کەسۍ کەردەن.
تا ئیساتۍ ئشناسنامەو کەسی کوشیای و کەسی زامڎاری نەزانیان.
بەپاو ئا دیمەنا جە تۆڕەکۆمەڵایەتیەکاوە وەڵاکریانۆ، بەرگنۆ کە چن سەر ئەسپێوە چا یانەنە دلېنە شیێنۍ، باس چانەیچ مکریۆ، چا هرووژمەنە یانەو کاسبکارێوە سەرسنووری کریان مەرام.
