ئارۆ ٥ شەممە، جە شارو مەریوانی ڕێکوزیاو یانەو ژەناو هەورامانی لقو شارەکەی بەشداریش کەرد جە هەڵمەتەو ژیوگەپارێزنای "زاگرۆسانە"ی کە ژمارێوی تەرێ جە ڕێکوزیا مەدەنیێ و ژیوگەپارێزەکێ مەریوانی ئامادێش بێنێ.
چی هەڵمەتێنە دارستانوو پەشتەو تەپەو مووسکی بە دەسو ڕۆڵەکێ نیشتمانی بە نەمامێ و بەلوێ نریا.

پڕۆژو زاگرۆسانەی کە وێش جە نەما نیای جە کەش و کۆکێ کوردستان، لوڕستان و هەورامانی و پارێزنای و سەرسەوزکەردەی ژیوگەی مەوینۆنەوە و زیاتەر جە ٣ ساڵێن بەردەوامەیش هەن و تا ئیسە هەزاران هکتارێ جە دارستانێ و چۆڵەانیەکێ کەش و کۆوەکێ زاگرۆسی بە نیای نەمامێ جۆراوجۆرێ و بەلولێ سەرسەوزێ کریێنێوە و هەڵمەتەکێچ بەبێ مدرای بەشدرای دەیان ڕێکوزیێ ژیوگەپارێزێ و سەدان چالاکوانێ ژیوگەدۆستێ بەردەوامیش هەن.