پەدەکە کە کۊتەن خزمەتوو سیاسەتەکا بەروو دەوڵەتو تورکیوە، گەشەسانای بەدیلی شۆڕشگێڵنانەو کورڎەسانی دلېنە مبەرۆ، پەشتی بە ئیمپریالیزمی بەسۆ و هەوڵ مڎۆ مەنەیۆ ۋێش سەرو خیانەتی بنیاڎ بنیۆ. ساڵەو ١٩٩٢دژوو پەکەکەی جەنگش کەرد، چونکی پەکەکە سیاسەتە هەرێمیەکاو ئیمپریالیزمیش دلېنەبەردێنۍ. تاریخوو کوردی کە ئڼەو مڎرامانی پەڕا جە خیانەتی، کورد جارێوەتەر ڕووبەڕوو سیاسەتوو کۆمکوژی بیۆ. ڕابەرو گەلوو کوردی عەبدوڵا ئۆجالان کە جە ۋەرا ۋەرو تاریخوو کوردینە هەست بە ۋەرپرسیاریەتی کەرۍ و تەڤگەرو ئازاڎیی کوردی وەڵۍ ئانەینە کۆمکوژی ڕووەبڎۆ جەنگەکەش مردنا. ڕیبازی ئاپۆیی کە گرڎ وەختۍ دامە و پیلانەکۍ دوژمنیش دلېنە بەردێنۍ، سەرەڕاو جەنگێوە قورسی کە جە ئارانە بیەن، درێژەش بە گلېرۆبیەی و پەیوەندییەکا دان و دژوو خیانەتی و نۆکەرایەتی جەنگش کەردەن. بەڵام ئانۍ سەرو بنەماو خیانەتی بناغەو ۋێشا نیانەرە، جە سەربەخۆیی متەرسا و ئی تەرسۍ ئیساتۍ کێشۊشا دلۍ گېچەڵێوە مەترسیڎارۍ. ئاژەو ئیساتۍ جە خیانەتی ۋییەرڎەن، بیەن بە کۆیلایەتی. ئا نۆکەرۍ قەڵاو هەولێریشا بە ئاڵاو تورکیای ڕازناوە، ڕایچ مڎا تانکەکۍ تورکی بەیانە دلۍ خاکو هەرێمی و سەرو ڕاو ئامێدینە پەیامو ' خێرئامایدۍ پەی تورکیایشا ' بە گەلی دا.

کات کاتوو سەرهۊرداین پەی گەلوو پانیشتی

گەلوو پانیشتی جە ۋەرا ۋەرو هەوڵە ئەرەگیریەکانە نیگەرانا و تووڕەن، بەڵام هەڵای نەیاوان بە هێزێوە ڕێکوستەی و سەرهۊردای.

ئاژەکۍ نیشانەش مڎا کە پانیشت فرە ئازایانە سەرهۊردای مکەرۆ. ئایا تەرسیشا جە جە دەسدای خاکەکەیشانە؟ بە زۆر جە دەگایەکانە بەرۍ مکریا، جیای ئاڵاو کورڎەسانی ئاڵاو تورکیای جە هەولێرەنە هۊرمکریۆ. فڕۆکە جەنگییەکاو تورکی بەردەوام جە ئاسمانەکەشانە خولیاوە، بەردەوام بووەو ماددەی کیمیایی و تی ئێن تی و تەقەمەنییەکا دەوڵەتو تورکی سەرو ئاسمانەکەیشاوە مۍ. جە شارەکاشانە کۆمپانیا تورکییەکۍ زیاتەرێنۍ جە کۆمپانیا کوردییەکا. زیاتەر جە پێشمەرگا، ئەنداماو میتی جە جاڎەکاشانە خولیاوە. بە پوختی ئانەی کە مشۊم فرەتەر چنەش بتەرسا، سەرشارە ئامان و ئیتر چێوۍ نەمەنەن نەکریۆ. ئیتر کاردی یاوێنە سەرو  ئێسقانی. پەی گەلوو پانیشتی ئیساتۍ کاتوو سەرهۊرداین.

دەسەڵاتو پەدەکەی ئیتر بەبێ پەشت بەستەی بە عێراق، تورکیا، ئێرانی و هێزە ئیمپریالیستەکا، نمەتاوۆ هەڵوێسێوە سەربەخۆیانە بگېرۆنە ۋەر، حەرپاسە نمەتاوۆ هەڵوێسێوە ئازاڎیوازانە و سەربەخۆ نوێنەرایەتی بکەرۆ. تەنیا کارێوە کە متاوۆ ئەنجامش بڎۆ ئانەنە کە گنۆ خزمەتوو دەسەڵاتدارا مەنتیقەکەی و پا جۊرە سەرو پەیاوە مەنۊوە. مادام نمەتاوۆ پەکەکەی بارۆنە سەرو خەتەو خیانەتی پېسە ۋێش، ئاڼەیتەر بیەن بە دوژمنش. گرڎ ڕوۍ یاردەی جەنڕاڵەکا تورکی مڎۆ کە بە چەکی کیمیاوی ڕۆڵەکاو گەلوو کوردی دلېنە بەرۆ.

گەریلاکاو ئازاڎیی کورڎەسانی بە هێزو ۋێشا و کردەوە چنەئامایەکا ۋێشا پەی گرڎ لېوەشا سەلەمنان کە چنی جەنگی بە ڕێکوستەی مکەرا.