کورڎەسانیا جە شارو ڕەین و فەرەنساینە بە دروشمەو "ئازاڎیی ڕابەر ئاپۆی ئازاڎیی ئێمەن" ڕاپیمایشا کەرد و دەسنیشانشاکەرد کە دژوو سەپنای "سازشکەردەی، پەی لابەردەی گۆشەگیری" بە شێوێوە بەردەوام جە چالاکینە با.
هامسەرۆکۆ کۆنسەو ڕاوەبەری کەجەکەی بەسێ هۆزاتە، جە چەمپنەکۊتەکەیشەنە ئاماژەش پانەی دا کە پەی لابەردەی گۆشەگیری سەرو ڕابەرو گەلوو کوردی عەبدوڵا ئۆجالانی، داواو سازشکەردەیشا ۋنەکریان. پی مەڵامەتۆ جە شارو ڕەین و فەرەنساینە بە سەرمەشقایەتی ناوەڼو گلېرگەی دیموکراتیکی ڕاپیمایۍ کریا.
ڕاپیماکەی بە دروشمەو "ئازاڎیی پەی ڕابەر ئاپۆی" کریا و ئی ئەرەیاۋنایە ۋنیاوە:
"ماوەو ٢٦ ساڵان ڕابەر ئاپۆ ئینا چېرو سیستەمو ئەشکەنجەی قورسوو ئیمراڵینە. ماوەو چوارساڵان هیچ زانیاریێوەش جە بارۆ نیا. جە ئیساتێچەنە پێما بەرکۊتەن پەی چەمپنەکۊتەی چنی بنەیانەی و پارێزنەراش سەودا و مامەڵەش سەرەرە مکریۆ. پېسە گەلوو کوردی حەجگیز ئینەی قبوڵنمەکەرمۍ. نمەبۆ ڕابەر ئاپۆ بکریۆ بە مژارو سەودا و مامەڵەی. پېسە ئەنجومەنوو گەلوو دیموکراتیکی ڕەینی تا چەمپنەکۊتەی چنی ڕابەر ئاپۆی ئەنجام مڎریۆ، بە بەردەوامی چالاکی ئەنجام مڎەیمۍ. داوا جە گەلەکەیما مکەرمۍ، تا ئەنجامدای چەمپنەکۊتەی چنی ڕابەر ئاپۆی بەبەردەوامی جە چالاکینە با. ڕۊو شەممەی ٢٠و تەمموزی سەعات ١٦:٠٠ خولقەو گرڎوو گەلەکەیما مکەرمۍ پەی ئەنجامدای چالاکی جە مېڎانوو کۆلۆمبیرسی. داوا جە گرڎ کەسۍ مکەرمۍ خاوەنداری جە ڕابەر ئاپۆی بکەرا."
جە ڕاپیماکەینە دروشمەکێ "بێ سەرۆکی ژیۋای نمەبۆ" و "بژیۋۆ سەرۆک ئاپۆ"ی بەرزۍ کریێوە.
