جەنازەو جەنگەوانوو قەسەدەی خالد جەمال بەخاکی ئسپارییا
جەنازەو جەنگەوانوو هێزەکاو سوریای دیموکراتیکی (قەسەدە) خالد جەمال حوسێن، کە ٢٠و ئی مانگێ سەروو هەرمانەکێشۆ شاروو عامووداینە گەشمەردە بی، دەرباسییەنە مەراسیمێوەنە بە خاکی ئسپارییا.
جەنگەوانوو هێزەکاو سوریای دیموکراتیک (قەسەدە)ی خالد جەمال حوسێن، ٢٠و ئی مانگێ سەروو هەرمانەکێشۆ شاروو عاموداینە گەشمەردە بی.
ئارۆ سەدان ئەرەنیشتێ شار و دەگایەکاو دەرباسیەی جەنازەو گەشمەردە خالد جەمال حوسێنیشا مەراسیمیوەنە مەزارگەو گەشمەردە ڕۆستەم جودیینە دەگاو بەرکەڤرینە بەخاکی ئسپارا.
مەراسیمەکەنە جەنگەوانوو مەجلیسی سەروازیی عامودای، بەرخۆدان مەحمود تیشکەش وستە سەروو فیداکارییەکاو گەلاو هەرێموو سەرنیشتی و وەرکەوتوو سوریای پەی بیۆبییەی وەڵاتی و پارێزنای هەرێمەکەی.
بەرخۆدان، بە نامێ مەجلیسی سەروازیی عامودایوە وەعدش دا پەی درێژەدای بە ڕاو گەشمەردا و مسۆگەرکەردەی سەرکەوتەی.
ئەنداموو کۆنگرەو ئیسلامی دیموکراتیکی موسا ئەلبەجر قسێش کەردێ و سەرەوەشییش جە بنەیانەو گەشمەردەی کەرد.
دمایی شناسنامەو گەشمەردەی ونیاوە و دریا دەسوو بنەیانەکەیشۆ.
ئاخروو مەراسیمەکەینە، جەنازەو گەشمەردەی بە درووشموو "گەشمەردێ نمەمرا"ی بەخاکی ئسپارییا.
