بە پاو زانیارییەکاو تۆڕەو مافوو ئینسانوو کوردستانی سەرسەعبوو ئارۆی هێزەکاو دەوڵەتوو ئێرانی خاڵەی سنوورییەو هەنگەژاڵەو بانەینە تەقەشا وەنەو کۆڵبەرێوە کەردەن و کوشتەنشا.

ئا کۆڵبەرە نامێش واحد قادرپوورا و خەڵکوو دەگاو دەرە زیارەتوو سەقزین.

ئەوەڵوو ئی ئەم مانگێوە ٧ کۆڵبەرێ و کاسبکارێ کوردی مەنتێقە سنوورییەکاو وەرکەوتوو کوردستانینە کوشیێنێ، کە پەنج کەسێشا سنووروو بانەینە کریێنێ ئامانج.

ئینجا ئێساڵ تا ئیساتێ لاو کەمیوە ٣٤ کۆڵبەرێ کوشیێنێ و زیاتەر جە ٢١٠ کۆڵبەرا و کاسبکارایچ بریندارێ بیێنێ.