کەلارەنە ئەوەتەقایۍ ڕووەشدا
ۋەردەموو یانەو ۋەرپەرسوو لقو ٢٢ۍ پەدەكەینە جە شارو كەلاری ئەوەتەقایۍ ڕووەشدا و پا مەڵامەتۆ ترۆمبێلەکەش سۆت، تا ئیساتۍ ژمارەو زەرەرە گیانییەکا نەوزیان ڕووە.
بەپاو زانیارییەکا كەمێ چێوەڵتەر ۋەردەموو یانەو ئەكرەم ساڵحی، ۋەرپەرسوو لقو ٢٢ۍ پەدەكەی جە شارو كەلاری ئەوەتەقایۍ ڕووەشدا و پامەڵامەتۆ ترۆمبێلەکەش سۆت، بەڵام هەڵای ژمارەو زەرەرە گیانییەکا نەزانیان.
دماو قۊمیاکەی تیمەكۍ ئێرکوشنایۆ یاوێنۍ شۊنماو قۊمیاکەی و هەوڵوو كۆنترۆڵكەردەی ئێرەکەیشا دان.
ئەوەتەقایۆکەی جەكاتێنە بیەن، ئا ۋەرپەرسەو پەدەكەی گەرەکش بیەن بلۆ سەرو کارەکەیش.
بەپاو قسۍ شایەتحاڵا نزیك بە قۊمیاکەی، ئەوەتەقایۆکەی بەمەڵامەتو بۆمبی چەسپیایۆ بیەن.
یاگۍ ئاماژەینە، جە ماوەی ۋییەرڎەنە هۊرچنیەکۍ دلېینەو پەدەكەی جە تەمامو شارەكاو هەرێمو کورڎەسانینە کریۍ، هۊرچنیەکە جە لقو ٢٢ۍ گەرمیانینە گرژیش کۊتەنەنە و بی بە مەڵامەتوو ناڕەزایی و ۋەریۆکەوتەی بەشێوە جە کادرا و لایەنگرا ئا حزبەیە.
