دەنیز گەزمیش و حوسەین ئینان و یوسف ئاسڵان بە بۆنەو ٥٢ەمین ساڵیادو قەنارەدایشاوە، بە سەرمەشقایەتیی کۆمەڵەو ٦٨و مێرسینیوە یادێ کریێوە. بەشێو جە ڕێکوزیا چەپەکا و ئەرەمەرزیا عەلەوییەکا و پارتە سیاسییەکا و هێزەکاو ڕەنج و دیموکراسی بەشدارێ بێنێ. بەشداربیێ بەرەو مۆنۆمێنتی تایبەت بە نەوەو ٦٨ ڕاشا پیما و درووشمو "وەعدو شۆڕشیشا مدەیمێ پنە"یشا بەرز کەردۆ.

دماو دەیەقێو ڕێزگێرتەی، بە نامێ جەماوەریوە، سەرۆکو کۆمەڵەو ٦٨و مێرسینی حەسەن کاپیکران قسێش کەردێ و واتش سەرەڕاو ویەردەی ٥٢ ساڵا ملوو مەردەی دەنیزەکارە، هەڵای هەمان کێشەکاو جارانی هەنێ، دماین قسەکاو دەنیزی و هامڕایەکاش یادێ ئاردێوە و واتش: "کۆشیای سەربەوێ و دیموکراسی و سۆسیالیزم، ئارۆ بییەن بە کۆشیای ئایندەو تورکی و کوردی و گردو لایەنە بندەسەکا. پێویسا کۆشیای دەنیزەکا قەوەتتەر بکەرمێ و بانگەوازو کۆشیای سەربەوێ و دیموکراسی و سۆسیالیزمی جە گرد لاێوە بکەرمێ".

دمایی شاعیرێ بە کوردی و تورکی و عەرەبی و لازی شیعرێشا وەنێوە.