کۆمیتەکاو زیڼانیا پەکەکە-پاژکی جە ساڵیاڎو ٤٢ەمینیشانە گەشمەرڎۍ ڕۊچۍ گۊرۍ مەردەی ١٤و تەمووزیشا یاڎ ئاوردۆ و داواشا جە گرڎ کەسی کەرد کە جە چوارچێوەو هەڵمەتەو "ئازاڎیی پەی رابەر ئاپۆی، چارەسەری پەی پەرسوو کورد' ینە کوۍ باوە و فاشیزمی بوڕنانە.
کۆمیتەکاو زیڼانیا پەکەکە-پاژکی بۆنەو ساڵیاڎو ٤٢ەمینوو ڕۆچۍ مەردەی گۆرەو ١٤و تەمووزی ئەرەیاۋنێوەش وەڵاکەردۆ.
ئەرەیاۋنا هامبەشەکەو هەردووە کۆمیتەکەی پی جۆرەنە:
"پایۍ وزمۍ ساڵیاڎو ٤٢ەمینوو ڕۆچۍ مەردەی گۊرەو ١٤و تەمووزی. ئا ڕووە تاریخیە پېسە ڕۊو شکۆو نەتەوەیی گەلوو کوردی پەسەڼ کریان. ئێمە چی ڕووە تاریخیەنە وێڕاگرا ڕۆچۍ مەردەی گۆرەو ١٤و تەمووزی کەمال پیر، محەمەد خەیری دورموش، عاکیف یەڵماز و عەلی چیچەکی بە رێزو وەشەسیای و پنەزانایۆ یاڎۍ مارمێوە و قەول واوەی مکەرمېوە کە جە گرڎ هەلومەرجێوەنە لایەق پاڎیشا بیمۍ. پی بۆنۆ ڕۊو شکۆی نەتەوەیی بە تایبەتی جە رابەر ئاپۆی و حەرپاسە گرڎوو گەلەکەیما و هامڕایاما مبارەک مکەرمۍ.
وەڵینگەو مرۆڤایەتی مۆدێرنیتەی دیموکراتیکی دژوو دەسەڵاتدارە فاشیست، ستەمکار و قڕکەرەکا وەڵینگەو ئەرەکۊشای گەلان. هەم پەی جمیەرو ئازاڎییما، هەمیچ پەی ئەرەگۆشای گەلا جەهانی یۆ جە مڎرامانە شکۆدارەکا، بێگومان مڎرامانوو ڕۆچۍ مەردەی گۆرەو ١٤و تەمووزیا. ئا مڎرامانە جە دژوو فاشیزمی کۆلۆنیالیست-قڕکەری بی بە یۆ جە مڎرامانە هەرە شکۆدارەکا وەڵینگەی و بە گرڎوو جەهانیش نیشانەدا کە جەناگوەرا پەکەکەی پەی ژیۋایۍ شکۆمەندانەی بە چ جۊرۍ ۋێڕاگری مکەرا. ڕۆچۍ مەردەی گۆرەو ١٤و تەمووزی داستانێوە قارەمانێتین. چېرو هەلومەرجۍ دژوارینە بە شێوێوە هەرە شکۆمەند نوێنەرایەتی زېڵۍ مڎرامانی و هێڵۊو سەرکۊتەیش کەرد.
مڎرامانێوەن دژوو جە ۋۍ نامۆبیەی
مڎرامانوو ١٤و تەمووزی دژوو کودەتاو ١٢و ئەیلولی گیریانە ۋەر. ئا رژێمەی کودەتا مېڎاانش بەکردەنی کەردەی سیاسەتوو قڕکارین دژوو کوردەکا، شۆڕشگێڵنەکا و بەشە بەرهەڵستکارە چەپ-سۆسیالیستەکان. ئا رژێمەی کودەتای فاشیستیش دلۍ گرڎوو گلېرگەو تورک ژیۋاینە تیرۆرش کەرد، بە دەیان هەزار کەسۍ زیڼانیۍ کریۍ، زیڼانیۍ ئەشکەنجە دریۍ، بەنزیکەیی تەماموو بەشە ۋەرهەڵسکارەکا سەرکوتۍ کریۍ و پی جۆرە نیازشا بۍ ناچار بە ۋێدایدەسۊیشا بکەرا. یۆ چا شۆنا کە ئا کردەوە نامرۆڤانۍ و سیاسەتوو چۆک پنەدایش دلېنە ئەنجامدریۍ زیڼانو ئامەدی بۍ. چا شۊنە تایبەتېنە نیازشا بۍ جە کەسایەتی کادرەکاو پەکەکەینە چۆک بە مرۆڤایەتی بڎریۆرە و گەلێوە کە جە ڕاو جمیەرو پەکەکەیۆ بیەو ۋێش بەدەسئاردەبێوە، دلېنە بریۆ. نەک هەر کورد، گرڎوو بەشەکا ۋەرهەڵسکاری دیموکراتیکی و شۆڕشگێڕڵنا کریۍ مەرام. گەرەکشا بۍ جە زیڼانی سەروازی ژمارە ٥و ئامەدینە شۆڕشگێڵنا کە سەرمەشقی پەی گلېرگەی کەرێنۍ چۆکشا پنە بڎریۆرە. پېسە ڕۆو ئارۆیما، جە جبەرو گرڎوو ئا ئەرەمەرزیانە بە نامۍ ماف، یاسا، مرۆڤایەتی و دیموکراسی خزمەت بە گلېرگەی مکەرا وزیێرە، ۋەر بە رێکوستەکەردەی گلېرگەی گیریا، گلېرگەشا وست چېرو فشاری و ستەمیوە. بە کوڵی و بە پوختی فاشیزم جە کرێکاراوە تا دەگا نشینا، کە کورداوە تا عەلەویەکا، جە چەپەکاوە تا گرڎش کەردۍ ئامانج و نیازش بۍ کە گرڎوو بەشەکا ۋەرهەڵسکارا بێدەنگ بکەرۆ و بوزۆشا دلۍ ئاژێوە پاجۆریە کە ئیتر نەتاوا سەرە هۊربڕا و قسۍ بکەرا. فاشیزمو ١٢و ئەیولی زیڼانو ئامەدیش، فاڕا پەی ئەشکەنجەخانەو جە ۋۍ نامۊبیەی. مڎرامانی ئەفسانەیی هەمڕایاما کەمال پیر، محەمەد خەیری دورموش، عاکیف یەڵماز و عەلی چیچەکی مڎرامانێوەن دژوو جە ۋۍ نامۆبیەی و ۋێدایدەسۆی.
ئەردۆغان و باخچەلی فاشیستیچ پېسە کەنعان ئەڤرەنی گنا ۋەرو نەفرەتوو تاریخی
چا کاتۆ تا ئیسە، لاو دەسەڵاتداریە فاشیستە قڕکەرە، کۆلۆنیالیستەکاوە چێوۍ چانە نەفاڕیان. پەی ئانەی نکۆڵیکەردەی جە گەلوو کوردی و قڕکەردەی کوردا بیاونا ئەنجام، هرووژم مکەرا سەرو ئا ۋەرهەڵسکارا بە مەترسیشا مزانا پەی سەرو ۋێشا و گەرەکشانە دلێشانە بەرا، گرڎوو ناوەڼەکا مڎرامانی دلېنە بەرا. پاگیری سەرو ئا سیاسەتە بنچینەییەیشا مکەراوە. ئانەی کە فاڕیان قڕکەردەیا، شێوازەکۍ کۆمکوژی زیاڎشا کەردەن و تا بە ئارۆ یاوان. فاشیزمیچ پېسە وەڵتەری، بە سیاسەتوو قڕکەردەی کولتوری و جەستەیی هەوڵ مڎۆ ئانەی کە متاوۆ چۆک بە ئیراڎەیش بڎۆرە، چۆکش پنەمڎۆرە، ئانەیچش نمەتاوۆ چۆکش پنەبڎۆرە، موزۆشەنە زیڼان و رووبەڕوو ئەشکەنجەی و تەرسنایش مکەرۊوە. بەڵام پېسە چنی فاشیزمی قڕکەر، کۆلۆنیایستی بە ئیراڎەو چالاکا ڕۊچۍ مەردەی جە زیڼانو ئامەدینە دلېنەبریا و هێڵێوە مڎرامانی بەدەسئاما، هەڵمەتەو 'ئازاڎیی پەی رابەر ئاپۆی، چارەسەری پەی پەرسوو کوردی' بە دڵنیاییوە فاشیزموو ئاکەپە-مەهەپەی دلېنەبەرۆ و تورکیایۍ دیموکراتیک و ئازاڎ وەش مکەرۆ. هەر کە فاشیزم دلۍنەبریۆ هێزەکاو دیموکراسی و یۊبیەی گەلا قەوەتۍ بانە و ئەردۆغان و باخچەلی فاشیستیچ پېسە کەنعان ئەڤرەنی کە ئەکتەرۍ سەرەکی کودەتاو فاشیستی ١٢و ئەیلولی بۍ، نمەتاوا جە نەفرەتوو تاریخوو مۆدێرنیتەی دیموکراتی گەلا نەجاتشا بۆ.
بەیدۍ بە زېڵۍ ئەرەکۊشای ١٤و تەمووزی تا دلېنەبەردەی فاشیزمی پەرە بە ئەرەکۊشای بڎەیمۍ
زېڵۍ ئەرەکۊشای ١٤و تەمووزی هێڵۆو سەرکۊتەی گەلوو کوردی و گەلان. زېڵۍ هەمڕا کەمال پیرین کە واچۍ، 'من جە هېڵۆو ئی جمیەرەینە سەرکەوتەی موینوو' زېڵۍ هامبەشوو گەلان کە جە ڕۊو ئارۊیمانە بە سەرمەشقایەتی دۆساما، ١و تشرینوو یوەم و ٢٠٢٣ جە سەرانسەرو جیهانینە هەڵمەتەو 'ئازاڎیی پەی رابەر ئاپۆی، چارەسەری پەی پەرسوو کوردی' دەسپنەکریا.
ئارۆ هەمڕێما بە زېڵۍ ١٤و تەمووزی جە زیڼانەکا کورڎەسانی و تورکیاینە پەی ماڕای کۊڵەکەکا فاشیزموو ئاکەپەی و مەهەپەی ئەرەکۊشایۍ بێهامتا ڕاوەبەرمکەرا. هەمڕاکێما جە زیڼانەکانە چنی قۆناغەو چالاکیەکا سەرەڕاو گرڎو فشارەکا بە رۆحو ١٤و تەمووزی ۋێڕاگری مکەرا و سەرمەشقایەتی پەی پرۆسەکەی مکەرا. تا ئازاڎیی جەستەیی رابەر ئاپۆی مسۆگەر بکریۆ و پەیوەس بە بناغێوە دیموکراتیکی پەرسوو کوردی چارەسەر بکریۆ، ئەرەکۊشای بەردەوام مبۆ.
پی بۆنۆ داوا جە گرڎو گەلەکەیما، دۆساما و رای گرڎیی دیموکراتیکی مکەرمۍ کە بە زېڵۍ ئەرەکۊشای ١٤و تەمووزی دەورو هەڵمەتەو 'ئازاڎیی پەی رابەر ئاپۆی، چارەسەری پەی پەرسوو کوردی'نە یۆبگێرا و تا دلېنەبەردەی فاشیزمی قڕکەری و تاڵانکەری پەرە بە ئەرەکۊشای بڎا و جە گرڎوو مېڎانەکانە دەس بە سەرهۊردای بکەرا".
