کتە و مڵە؛ تەرجومەو "موش و گربە" شیخ بەهایی، جە لاو بەڕیز کوورش یۆسفیەوە هورگێڵیانەوە سەروو زوانی هەورامی و بە پشتیوانی سنۆقوو وارانوو ئەنجومەنوو نەسیموو فەرهەنگوو هەورامانی چاپ کریان.
موش و گربە، یۆ چا کتێبە دڵوازانە کە وەڵتەر بە قەڵەموو عوبەید زاکانی، جە قاڵبوو داستانێنە و بە شێوەو تەنزی نویسیان. دماتەر شێخی بەهایی کەردەن بە نەزم. ئەڵماس خانوو کەنوولەیچ پێسەو نەزمی بە زوانی هەورامی نویستەنوە.
بەڕێز کوورش یۆسفی بە وەرچەم گێرتەی تایبەتیەکاو دەقەکاو شیخی بەهایی و ئەڵماس خانوو کەنوولەی، ئی داستانێشە بە نەسرێوی ڕەوانی هەورامی نویستێنەوە و وستێنەش وەردەسوو هۆگراو فەرهەنگی و ئەدەبی.
سنۆقوو وارانوو ئەنجومەنوو نەسیمی جە پاوە، پەی چاپ کەردەیش پشتیوانیش کەردەن و ئا ئەرکشە وستەن سەروو شانەو وێش.
ئی کتێبە چی ڕوانە جەلاو ئێنتشاراتوو زایەڵەیوە چاپ و پەخش کریانەوە.