مەرسیمو ڕوۆ یەک شەممەی جە پارکو هالە سودی ئەنجام دریا و کوردەسانیاو حەرچوار پارچەو کوردەسانی و دۆساشا بە بەرزکەردەیۆ دروشموو "بژیوۆنە ڕابەر ئاپۆ" لوێ مێڏانو مەراسیمەکەی. بەشداربیێ مەراسیمەکەی بە بەردەوامی درووشمەکا "بژیوۆمە سەرۆک ئاپۆ" و "ژەنی، ژیوای، ئازادی"شا واتۆ. هەرپاسە پێسەو سیبموڵێوە کلتووری بەشێوە فرە جە جوانا بە جلوبەرگی کلتووری وێشاوە مێڏانو مەراسیمەکەیشا ڕازناوە.

مەراسیمەکە بە دەقێوە ڕێزگێرتەی دەسش پنەکەرد و دماتەر سەرو گرنگی جەژنو نەورۆزی پەی گەلوو کوردی تاوتوێ کریا.

جە مەراسیمەکەنە هامسەرۆکو کۆن-مەد کەرەم گۆک ئاماژەش پانەیە کەرد گەلوو کوردی جەژنەو نەورۆزی تەنیا پێسەو مەرسیمێوە ئەنجام نمەرۆنە، بەڵکوم پێسەو سیمبولی ئازادی و مڏرامانی موبارەکش مکەرۆ. هەرپاسە سەرنجش وست سەرو سیستەمو گۆشەگیری ئیمراڵی و ئاماژەش پانەیەدا پێسەو کوردا تا ماڕاو بەرەو ئیمراڵی بەردەوامێ بیمێ جە ئەوەکۆشای. جە بەردەومیینە ئاماژەش پانەیەدا، مشحن گلێرگەی دیموکراتیک بنیاد بنریۆ و دمای بە جەنگ و وێرانکارییەکا بێنە.

دماتەر هامسەرۆکو فەد-کوردی مەندەرەس جەنبەگ جەختش جە بەردەاومیدای بە ئەوەکۆشای کەرد و  واتش: "حەجگیز دەس جە ئەوەکۆشای ویما هورمەگێرمێ و جە ئیسۆ جەژنەو نەورۆزی پێسەو جەژنەو مڏرامانی موبارەک مکەرمێنە."

مەراسیمەکە بە گۆرانی و هورپڕای تا دێرێ شەوێ بەردەوام بێ.