فەدا و داکب جە ئەرەیاۋنێوە هامبەشەنە بە ئاماژەدای بە گرنگی بانگەوازییە تاریخیەکەو ٢٧ـو شوبات و ڕابەر ئاپۆی، ئەرەیاۋناشا بانگەوازییەکەی پەسیناو خاوەنداریش ۋنە مکەرا.

جە ئەرەیاۋناکەینە داوا جە دۊڵەتی کریان بە گرڎ جۊرۍ هەنگامەی سیاسی و یاسایی پەنەوازە بنیۆ و بانگەوازییەکەو ڕابەر ئاپۆی بە جددی هۊرگێرۆ و ئامان: "پەی گلېرگەی دیموکراتیکی و ژیۋای هامبەشی، ئێمەی عەلەوییەکا سەڎان ساڵێن قوربانیما دان. عەلەویی جە تەمامو تاریخیشەنە سەرەڕاو فشار، زوڵمی و کۆمکووژی حەجگیز دەسش جە تامەزرۆی پەی حەق، دادپەروەری و ئاشتیی ۋەرنەڎان. گرڎ کاتۍ ئاشتیش گەرەک بیەن دژوو جەنگی بیەن و پارێزنایش جە پېوەرە ژیۋای کەردەن. چارەسەری پرسو کوردی و عەلەوییەکا کە دووۍ پرسۍ قەڎیمی تورکیاینۍ، بە سیستەمێوە سیاسی بە دیمۍ، کە گلېرگەی دیموکراتیک و یاسایی گەردونی بە بنەما گێرۆ."

ئەرەمەرزنای گلێرگەی دیموکراتیکی

پی جۊرە دمای بە ئەرەیاۋناکەی ئامان: "جە پڕۆسەو فاڕیای دیموکراتیکینە، پەنەوازا بە پاو ئەرک و ۋەرپرسیاری ۋێما جمێوە. پی باوەڕیۆ داوا جە گرڎو تەڤگەری و ڕێکوزیا عەلەوییەکا مکەرمۍ، ۋەرگیری جە شکۆمەندی ئاشتی بکەرمۍ و گلېرگەی دیموکراتیک بنیاڎ بنیەیمۍ."