ئەرەیاونایەکەو ماکینە ئامان: "ساڵیادوو گەشمەردەبییەی فەرماندێ فیدایێ و خوداوەندەو ئازادیی گەشمەردە زیلانێ بەڕێزۆ یاد مکەرمێوە و سڵام چا چالاکییەیە مکەرمێ، کە ڕا بە تارێخی نیشانە مدۆ و گەشتوو ئێمە بەرەو ئازادیی ڕۆشن مکەرۆوە".

"ئیرادەی بێ‌وێنەو پەکەکەیش نیشانەو گرد لاێوە دا"

ماک ماچۆ: "هامڕا زیلانە پی شێوازە قەوەتەو چالاکییش چڕیش وەنەو مدرامانی و کۆشیای جە ژەناو کوردی، هەم بە هێزە چەوسنەرەکاش نیشانە دا، چەنی نزیکایەتییەکاشا وەراوەروو ڕابەر ئاپۆیوە بە مدرامان جواب مدریۆوە. هامڕا زیلانە پەی ئێمە تەنیا جەنگاوەرێوە ئازادیی نییەنە، هاموەخت سەرمەشقە و فەرماندێ خەتەی فیداییە و خولقنەرەو جەنگوو ئێمەنە.

ڕابەر ئاپۆ گەشمەردە زیلانەش پێسەو مانیفێستوو ئازادیی ئشناسنا، چی سیستەمەو پیاسالاریی ئیساتێنە، ژەنبییەی و بە شناسنامەو ژەنێوە ودۆزوو ئازادیی گەلەکەیت فیداکارییێوی مەبارەکا. کۆشیای ئازادیی ژەنێ، کە بە سەرمەشقایەتیی هامڕا زیلانێ و هەزارا گەشمەردا وەڵێ کەوت، سیستموو کۆیلایەتی هەزاران ساڵەیش ورشاناوە. ئی کۆشیایە بە خەتەو مدرامانوو گەشمەردە قارەمانەکاما بەرکەوت. فیداکاری یانێ جەنگکەردەی زیلان‌ئاسێ بەبێ ساتێو دووەدڵی پەی ئازادیی گەلەکەیت. ئا خەتەی ئازادییەوهامڕا زیلانێ خولقنا، ئامانۆسۆ تا شۆڕشوو وەرنیشتی، بۆتانۆ تا سەرحەد، زاگرۆسەکاوە تا شارەکاو تورکیای جە کەسێتیی هەزاران کۆشەرە فیداییاوە  وێش سەلەمنان، مشۆم ماک خەتەو مدرامانی قارەمانی و فیداکاری بکەرۆ بە بناغە، بە خەتەو مدرامانی ٢٥ ساڵەو ڕابەر ئاپۆی وێش ڕێک بوزۆ و دژوو داگیرکەرا کۆشیایێوی بێوێنە بکەرۆ، پێسەو ماک سەروو خەتەو زیلانێوە وێما ڕێک موزمێنە و گرد مەیدانێوەنە دژوو دوژمنی مگژیەیمێ".

بانگەواز پەی گەنجا

ماک بانگەواز جە گەنجاو کوردستانی مکەرۆ دژوو هجوموو قڕکەردەی و پاکتاوو دەوڵەتی داگیرکەروو تورکی پەی سەروو گەریلاکاو ئازادی بە سەرمەشقایەتیی ژەنە گەنجا و وەڵێوستەی خەتەو چالاکی بەردەوام دژوو دوژمنی جەنگ بکەرا، ماچۆ: "ئارۆ ڕۆو مدرامانی و جوابدایۆو زیلان‌ئاسێن دژوو داگیرکەری و خائینا. ڕۆو جەنگکەردەین بە شێوازوو چالاکی و بە زوانێوە، کە دوژمن چنەش میاوۆنە. ئینە ئا خەتەو فیداکاری و قارەمانینە کە زیلانێ و عەگیدەکا خولقنان".