مانگەو سوورەو کوردستانی

رێکوزیاو مانگەو سوورەو کوردستانی بژناسمێ و کەی و جە کۆ مەریارە و گرنگی و کارێ و هەمانەکێش چێشێنۍ؟

مانگەو سوورەو کوردستانی یۆە جە ئا ریکوزیایانە کە جە ٤-٣-١٩٩٩ی جە شارو بۆوخۆم-و ووڵاتو ئاڵمانی مەرزیارە . رێکوزیاکە یوهەمین رێکوزیای کوردین کە با ئامانج و یاریدای هام نیشتمانیا جە هەر چوار پارچەو کوردستانی جە بەروو وەڵاتیوە وێش رێکوست . جە دماو ئاوارە بیەو بە مڵیون کوردێ سەرنیشتوو کوردستانی پەێ وەڵاتا ئەرووپایی ، چالاکا کوردی بە ئامانجوو یاریداو هام وەڵاتیا کوردستانی بڕیاروو ئەرەمەڕزنایرەو رێکوزیایە ئینسانیشادا .

وەلێ مەرزنایرەو رێکوزیاو مانگەو کوردستانی ، کوردستانیا وێبەخشانە جە ڕاو وێشاوە یاریەکاشا یاونێنە ئا کەسا کە وەنەشا قۆمیان و یا مژناساشا . تا ئانە چێروو سێبەرەو کۆگاو کوردا جە ئاڵمانەنە گڵێرە بیەوە پەێ رێکوستەو ئا کەسا کە چی بەشەنە خەموەرێ گەل و نیشتمانینێ . جە دماو چن مانگا گڵێرە بیەی دەسەو ڕاوەبەری مانگەو سوورێ جە ساڵەو ١٩٩٣-٣-٤ بە فەرمی مەڕزیارە . یاگێ باسینە کەسانێ کە ئەرکوو هەرمانکەردەی وێبەخشانەی جە رێکوزیاکەی گێرا وێ مشۆم چن تایبەتمەندیەشا بۆ و باوەرشا بە بنەما ئینسانیەکا بۆ .

مەڕزیارەو ڕیکوزیاو مانگەو سوورەو کوردستانی جیاواز چانەیە کە رێکوزیایە ئینسانی بێ ، بی بە چەترێ پەێ وەنەقۆمیایا کوردستانی بە بێ جیاوازی . بە جۆرێ کە جە ڕاو جەم کەردەیۆ یاری و هەمیاری کوردا هەر چوار پارچەی رۆحی نەتەوەئیچش پەێ یاواینە جە ئازارەکا یۆترینی وەش کەرد . رێکوزیاو مانگەو سوور و کوردستانی جە دماو ١٩ ساڵا جە ئەرەمەڕزنایشەرە جە ٢٦ وەڵاتێ و دوێ پارچێ کوردستانی ( پانیشت و وەرنیشت ) نوێنەرایەتی وێش بە فەرمی کەردەنەوە .

سەڕەڕاو ئانەیە کە مانگەو سوورەو کوردستانی نوێنەرایەتی وێش هەن جە فرەو وەڵاتانە جە ڕاو شمارە حەسابی بانکی بە یاسایی یاری هام وەڵاتیا جەم کەرۆوەو و یاونۆش دەسوو وەنەقۆمیایا کوردستانی . بە هەزاران کوردێ وەڵاتپارێزێ جە هەر چوارپارچەو کوردستانی وێبەخشانە پەێ سەروستەو ئامانجەکا مانگەو سوورو کوردستانی زەحمەت کێشا . جە ماوەو ئی ٣١ ساڵەینە مانگەو سوورەو کوردستانی چن رێکوزیە تەرێش چێروو چەترەو وێش بە پاو ئاژەو ئا وەڵاتا کە کوردێ بیەیشا هەن رێکوستێنێ . هەر پاسە بە سەدان کەمپەینێ جیاوازێش بە ئامانج و یاری هام وەڵاتیا رێکوستێنێ . بە تایبەت جە ماوەو دو ساڵی ویەردە ڕیکوزیاو مانگەو سوورو کوردستانی جە یەرێ کەمپەینێ پسۆ خانەوادەی واڵە و براڵەیی جە وەختوو کرۆنای ، پەپووڵەکا زاگرۆسی پەێ ئا زارۆڵا کە بێ سەرپەرەستێنێ و هەر پاسە پەێ ئا ژەنا کە هام ژینەکێشا نمەتاوا هەرمانە کەرا و هەژارێنێ یا کەسشا نیا یاری وێش یاونان هەرێموو هۆرامانی جە هەر دوە بەشەکەو کوردستانی .