ماوەو مانگېوەنە ٥٥ جارۍ هجوم کریان سەروو هێزەکا ئەمریکای جە عێراق و سوریانە
پینتاگۆن ئەرەیاۋناش، کە عێراق و سوریانە ماوەو مانگێوەنە ٥٥ جارۍ هجوم کریان سەروو هێزەکا ئەمریکای. ئەرەیاۋیا کە چا هجومانە بە دەیان سەروازۍ بە سووکی زامڎارۍ بیېنۍ.
بەمەڵامەتوو جەنگوو ئیسرائیلی و حەماسیوە هجومەکۍ پۍ سەروو سەروازا ویلایەتە یۊگېرتەکا ئەمریکایچ ڕووەشا جە زیاڎبیەی کەرڎەن.
یاردیدەروو واتەواچوو پینتاگۆنی سابرینا سینگ ئەرەیاۋناش، جە ١٧و تشرینوو یوۋەمیۊ تا ئیسە ٥٥ جارۍ هجوم کریان سەروو هێزەکا ئەمریکای".
باسش چانەیچ کەرڎەن، چا هجومانە ٢٧شا جە عێراق و ٢٨شا سوریانە ئەنجامدریېنۍ و ٥٩ سەروازۍ ئەمریکی بە سووکی زامڎارۍ بیېنۍ.
واشنتۆن کە پەشتیوانی سەرەکی ئیسرائیلیا، تارانی بە پۊوەگلیای چا هجومانە تۆمەتبار کەرۊ. پا مەڵامەتۊ تائیسە سوریانە یەرۍ جارۍ ئا لایەنېشە کەرڎېنۍ ئامانج کە پەیوەنڎیشا بە ئێرانیوە هەن.
