یەریڤانی پایتەختوو ئەرمەنستانینە گەشمەرداو ڕۆچێ مەردەی گەورەو ١٤و تەمووزی بە کۆبییەیۆێوی یادێ کریێوە.

دماو دەیقێوی ڕێزگێرتەی وەنەو یادوو گەشمەرداو ئازادیی، چالاکییەکە یانەو گەلینە دەسش پەنە کەرد. پەرلەمانتار کنیاس حەسەنۆڤ، هامسەرۆکوو کۆمیتەو کوردستانی سیلۆ دربۆیان و تاتەو گەشمەردە ڕوکەن میلۆ کالاشیانی بە نامێ مدرامانوو ١٤و تەمووزیوە، کە ساڵەو ١٩٨٢ زیندانوو ئامەدینە دژوو فاشیزموو دەوڵەتوو تورکی کریا، قسێشا کەردێ.

قسەکانە ئانە وچیا، کە بە ڕۆحوو مدرامانوو ١٤و تەمووزیوە  گردوو مەیدانەکانە کۆشیای و مدرامانێوی بێوێنە مکریۆ، مەنەیوە  گلێرگەی و گەلوو کوردی ئارۆنە ئینا سەیەو مدرامانوو ئا قارەمانانە، وچیا: "ئارۆ بە ڕۆحوو١٤ و تەموزیوە هەزارا گەریلێ کەشە ئازادەکانە وەراوەروو ئەرەگیرکاریینە جەنگ و مدرامان مکەرا".

هەرپاسە بانگەواز وەنەو پەدەکەی و بنەیانەو بارزانیی کریا دەس جە خیانەتی و دوژمنایەتیی کوردی وربگێرانە و هامکارێ دوژمنی نەبا، گەر گەرەکشابۆنە تەڤگەروو ئازادیی بەرا دلێنە سەبای نۆرەو ئادیشایچا وچیا: "ئامانجوو دەوڵەتوو تورکی فاشیستی دلێنەبەردەی گەلوو کوردین. شەرما پەی بۆ حکومەتوو پانیشتی کە دەوڵەتوو تورکی نیمەو پانیشتیش ئەرەگیر کەردەن، دەگایەکا چۆڵێ مکەرۆ و ئادیچ بێدەنگا. بنەیانەو بارزانی پەی دەسەڵاتەکەیشا بە گردوو هێزیشاوە پەشتگیریی دەوڵەتی فاشیستوو تورکی مکەرا".

حەرپاسە ئاخرۆ وچیا: "ئێمە بە ڕۆحوو ١٤و تەمووزی و فەلسەفەو ڕابەر ئاپۆیوە وەراوەروو ئەرەگیرکاری و خیانەتێوە مدرامان مکەرمێ و پلانەکاشا تێک مدەیمێ".