کۆمیتەو ناوەنڎیی پارتو کۆمۆنیست مائۆئیستی (مەکەپە) ناڕەزایی ۋێش ۋەرا ۋەر بە لەشکرکێشییەکاو دەوڵەتو تورکی ئەرەگیری پەی سەرو پانیشتوو کورڎەسانی بەربڕی و داواش جە گرڎ کەسێ کەرد کە دلۍ ڕیزو مڎرامانینە یۆ بگێرا.
کۆمیتەو ناوەنڎیی پارتو کۆمۆنیست مائۆئیستی (مەکەپە) جە ئەرەیانێوە نویسیانە ئاماژەش پانەیە دا کە گەلوو کوردی و تەڤگەرە شۆڕشگێڵنەکەش جە دژوو سیاسەتو ئەرەگیرکەردەی و لکنای فاشیستی تورکی ئینۍ جەنگ و ئەرەکۆشاینە.
کۆمیتەو ناوەڼی مەکەپەی ئاماژە بە زیاڎبیەی پلانە ئەرەگیریەکا سوپاو تورکی مکەرۆ و ماچۆ: "دەوڵەتو تورکی فاشیستی بە هامکاری حکومەتو بەغڎای و پەدەکە-بارزانییەکا ئینا پلانەو هرووژمی تازەینە پەی سەرو پانیشتوو کورڎەسانی، هەرێمەکاو پارېزنای مەدیای و ۋەرنیشتوو کورڎەسانی."
هەر جە ئەرەیاۋناکەینە ئاماژە پانەی مکەرۆ کە مڎرامانوو گەریلاکاو هەپەگەی و یەژا ستاری بە دڵنیاییوە پلانە ئەرەگیریەکاو سوپاو تورکی ئەرەگیری بەتاڵ مکەرۆوە.
جە دمادمایی ئەرەیاۋناکەینە بانگەواز پەی خاوەنداری جە مڎرامانوو گەریلای مکەرۆ و ماچۆ: "جە ئیساتێنە ئانەی پەنەوازا بکریۆ جە گرڎوو مېڎانەکانە خاوەندارین جە مڎرامانی تاریخی گەریلای و گرڎوو مېڎانەکا ئەرەکۊشای هۊرچەرخنمۍ پەی سەنگەرێوە جە دژوو ئەرەگیری و فاشیزمی. بە گرڎ جۆرێوە دژوو ئەرەگیریەکا دەسەڵاتداری فاشیستی ئاکەپە-مەهەپەی مردمېوە کە جە کورڎەسانەنە دەسشپنەکەردەن. خاوەنداری جە مڎرامانی تاریخی نەتەوەو کوردی و گەریلای بکەرمۍ."
