ساڵەو ۲۰۲۳ ېنە جەنگ جە هه‌رێمه‌کاو پارېزنای مه‌دیاینە به‌تایبه‌ت تەپ و ئامێدی و تەپ و جودینە جە بەینوو هێزه‌کاو پارېزنای گه‌لی (هەپەگە)ی و سوپاو ئەرەگیری تورکینە قورستەر بی. به‌تایبه‌ت دماو چەمپنەکۊتەکەو هاکان فیدانی چنی بنەیانەو بارزانی جەنگ جە تەپ و ئامێدینە ده‌سش پنەکەرڎ. ده‌وڵه‌توو ئەرەگیروو تورکی که ساڵەو ۲۰۲۲ۍ جە تەپ و ئامێدینە توشوو شکسی ئامابۍ، ساڵەو ۲۰۲۳ ېنە هەمڎیسان به چەمساغی و هامکاری پەدەکەی له‌شکه‌رکێشیش پۍ سەروو تەپ و ئامێدی دەسپنەکەرڎۊ و حۊڵ مڎۊ ئی تەپەیە ئەرەگیر کەرۊ. پەدەکە  بە وەشکەرڎەی بارەگای سەروازی جە نزیکوو تەپ و ئامێدینە هامکاری سوپاو تورکی کەرۊ تا ئی تەپیە ئەرەگیر کەرۊ. هاموەخت ئی بارەگۍ جە ڕوو سەروازی و لۆجێستییوە سوپاو تورکیای پەشتیوانیشا کەرۊ.

هه‌ڵبه‌تە مدرامان و کۊشیای گه‌ریلای جە ۋەران ۋەرەنە ئی حۊڵ و پلانۍ ئاکەپە و پەدەکەیش پوچۍ کەرڎېنۍ. گه‌ریلاکۍ کوردسانی به چالاکیه‌کاشا نه‌ک ته‌نیا ڕاش جە ئەرەگیری گېرتېنە به‌ڵکم گورزەی ‌کوشندېچشا جە سوپاو تورکی ئەرەگیری شانېنە. ئینە جە وەختېنە که پەکەکە به مدرامان و کۊشیای پانیشتوو کوردسانی پارېزنۊ و پەدەکەیچ بە ئاشکرا پانیشتوو کوردسانی ورەشۆ.