بڕێ وەختێ ژیواینە تۆ شۆنەو ڕازێوە مگنی، بڕێ وەختێچ کەسێ تەرێ بە ڕازەکاتەوە مبانێ بە ورگێرێ یاگەپایەکات. بێگومان ئی ڕازێ باس مکریانە و مشناسیانە. چونکوم ڕازەنە ڕۆحوو ئا سات و کاتەیشە وێشەنە هورگێرتەن. ڕازە جەختکەردەیوەن جە بییەی ئینسانی. وەختێو ئینسان گۆش چا ڕازێ مگێرۆ، فرەو جارا وێش جە بازنەو  دلێ ڕازەکێنە موینۆوە.  

پیسە چەنی گەردوون و جیهان و بوونەوەرێو پرۆسەو خوڵقنایشا هەن، گەلێ و ئینسانەکێچ پرۆسەو خوڵقنای و وەشبیەیشا هەن. بێگومان ئی پێکئامێ بەگردیوە دەرنجاموو جەمۆبییەی چەنیبییەیوەی دیاریکریاینە ڕووە مدانە. گەر ئی پڕۆسە وەختوو وەشکەردەیشەنە ڕووبەڕوو میکانیزمێوی فشاری بۆوە، ئیتر ڕەنگا بەشبییەی ڕووە بدۆ. ئا قڕکەردەیێ سەدان ساڵێن کوردستانەنە هەنێ ڕۆشنتەرین نموونەو ئینەینێ، کوردبییەی ڕاسییەکەش چا شێوەیە کە خولقنایی کۆمەڵایەتیەکەیش هەمیشە تێک شییەن و بە میکانیزمی سەخت گەمارۆ دریان. کوردبییەی هۆشیاریبییەن پینیشا. ڕاش پەی ئی هۆشیارییە کەردێنۆ ڕابەرتی و پەکەکەین جە کەسێتی خولقنایەنە. چەنی ئینەیچە پەکەکە ڕێنساسوو کوردان. چەنیش بە سەرمەشقایەتیی ژەنێ شۆڕشوو وەرنیشتی ئاما ئاراوە. پەکەکە بی بە تەڤگەرێوی ڕێنساسی وەرکەوتوو دلێراسەینە و هەنگام بە هەنگامیچ جیهانەنە. ئا مدرامانە وێڕاوەبەرییە کە ساڵەو ٢٠١٥یوە سەرنیشتوو کوردستانینە دەسش پەنە کەرد، سەرەوردای ئیرادەی ئازادی بێ، کە وەشبییەی و وەشکەردەیشا کەسێتیی پەکەکەینە فۆرمەلە بی، عارەزوو 'وێڕاوەبەری و شاروو وێت' ورچەرخیا  پەی چالاکیی وێڕاوەبەریی گەلی. گەنجێچ بیێ پا هێزەیە جە گرد لاێوە زیاتەر خاوەندارێ ئی چالاکییەیە با و کۆشیای ڕێکوزیایشا کەرد. چیاگەر، زەریان، ئیسلام، ڕۆزا و بە دەیان قارەمانێ تەرێ تاواشا بە هەنگامەکاشا بەرەو ئازادیی قەڵمبازێ بدانەوە. حەکیم تەکین یۆ بێ بە شناسنامەی تازەو مەمیانیوە. وەروو ئی هۆکارەیە مەمیان ڕازەش خولقنا. وەختێو ئینسان مژنەوۆش، بە دڵ هەستش پنە مکەرۆ، مەمیان وەرپەرسی ڕێچکەگێریش گێرت گەردەن و بی بە جەنگەوانوو ژیوای.

بە ڕەنجەکاشەوە ژیوایش گێرت باوشی  

قەندیلۆ دەس بە ژیوای گەریلایەتیی مکەرۆ، گەر ئینسانوو ئی سەردەمەیچە نەبۆ، ئینسانوو ئی سروشتەینە. گردوو هەنگامەکاشنە گۆشش جە دەنگەکاو قووڵایی تارێخی دێرینوو ئاینی بێ. بە یاواینەی ئینسانبییەی ئی جوگرافیایوە وێش یاونێ بە لووتەو کەشەکا. حەقیقەتوو گلێرگەی بە دەوروبەرەکەیش ئشناسێ، تا بۆ بە هێزوو چارەسەروو کێشەکا بە ڕەنجەکاشۆ باوشییش پەی ژیوای کەرێوە. پی هۆکارەیوە فرە وەشئسیێ و تاوابێش بۆ بە هامڕاێوی هەقەتینوو هامڕاو خەباتی.  پەوکای جە حەر هامڕاێوەش پەرسێت، بە ' ئینسانی ڕەنجدەر' جوابت دێوە. مەگەر ئینە ئا چێوە نییەن کە پەکەکە وەشش مکەرۆ؟ مەمیان تاواش بۆ بە هامڕاو ڕەنج و جەوهەروو پەکەکەی. خەبات پەی گەلەکەیش و پارتەکەیش و هامڕایەکاش پێسەو ڕەگەزوو ژیواێوی ئازادی پێناسە کەردەن. بەبێ گلەیی و گازندە و بەروستەی و بەبێ دووەدڵی و بە دڵێوی پاکۆ بی بە داراو ڕەنجێوی گەورەی و سادەی.

ئەندامێوی تەمامەتی پەکەکەی بێ

هامڕاێوی یارا کە گرد هەنگامێوەشنە شۆنەمای جیا ئازێ، دڵوو هامڕایاشنە و خەڵکوو پانیشتینە یاگێوی تایبەتەش بێ، یۆ جە ڕۆشناییەکاو چەماو زارۆڵاو پانیشتی بێ، حیچ کەسێوە نییەن قەندیلەنە مەمیانش دیەبۆ نەزانۆ کە چندە خەڵکش وەش ئسیان، بە وردەکارییوە چەنی خەڵک هەرمانەکاش کەرێ و پەی وێستەیوە  چارەسەری پەی کێشەکاو خەڵکی بێوچان هەرمانە کەرێ. گەریلاوی کەشی مەمیان کە کەسایەتیی کادرییش وێشنە وەش کەرد و چ یاگێنە زەروور بیێ دڵوو دوژمنینە بێ بە تەرسێوی گەورێ  و پەی و خزمەتکەردەی گەلەکەیش هەرمانە کەرێ و هەرمانەکاش بەسەرکەوتانە یاونێ یاگێ.  خەڵک وەختێ گەشمەردەبییەیش ژنیشا دڵشا فرە ئێشا نیشت و بە پەرسە دڵسۆزیی وێشا پەی مەمیانی بەروست. ئانێ مەمیانی ئشناسێنێ و شایەتێ خەباتیش بێنێ. زارۆڵەکاشا بە نامێ مەمیانیوە نامێ نیێنێ، پینەیچە تا بەجوانی وابەستەیی یادەوەرییەکاشا بازاوە، بەڵێ مەمیان ڕازێوی چانێش هەنە. مەمیان هامریوێ چانە بێ کە ژیوایوەش کەرێ، بە ڕەنجەکاشۆ وێش خولقنا و تەنانەت سەختتەرین ساتەکاشنە هەڵویستش دیار بێ، مەمیان میلیتانێوی پەکەکەی بێ.

وەعد دێ ئازارەکاش بفاڕۆ پەی سەرکەوتەی

ئی جارە ڕێبازوو مەمیانی مێ بەردەموو ئەکادیمیاکا، چا زانێ سەروەت و سامانوو ژیوای پەیوەسا بە قووڵایی فەلسەفەو ڕابەرێتییوە کە بە هەوڵێوە فرەوە بنیات نریان. جە سەختتەرین قۆناغوو جەنگینە، وەڵێنیاروو مەمیانینە هەمیشە بەشداریکەردەی بێ جەنگەنە. مەمیان هاومڕای هەقەتینەە کەشەکان وەڵێکەوتەتەرین یاگەکانە یاگێ وێش گێرتە و بە حەزێوی فرەوە هەوڵێش دێ هەقەو هامڕایەکاش بکەرۆوە تا بە جۆرێو ئی ئاواتەو دڵیش  بەدەس بارۆ. پەروەردە وێڵێ مەمیانیوە بێ. فەلسەفەو ژیوای سەروو پەکەکەی پەیوەندییش بە پەروەردەیوە هەن. بەتایبەت چا مەیدانانە جەنگی سەختش چەنەن، پەروەردە وێش پێسەو پێویسیێوی بنەڕەتی نیشانە مدۆ. تەنانەت وەڵێ ئانەینە بلۆ هەرێمەکاو جەنگی، کەسێوە کە دڵێوی هەقەتینش بۆ، هەبێت، پەرەوەردەی ئایدیۆلۆژی ورمگێرۆ. ئینە بوارێوی سەختا. پەروەردە ئا یاگێنە، کە ڕاستەوخۆ ڕابەرێتییوە خێرامای مکریۆ و ڕاستەوخۆ وەراوەروو ڕابەری و گەشمەردانە و گردوو بەهاکاو شۆڕشینە ڕەخنەش چنە مگێریۆ. مەمیان پی هۆشمەندییوە بە گردوو حەقیقەتوو وێش وەردەموو ڕابەر و گەشمەردەکانە بەرمگنۆ. بێگومان ئەزموونەکاو ساڵا و ئازارەکاو گەشەکەردەی و ئا غەڵەتێ کریێنێ و گردوو دەسکەوتەکا چا پلاتفۆرمەنە ورمسەنگنیا و ڕەخنەشا وەنە مگێریۆ. بە چەمکوو گرنگیی ڕابەرێتییوە بەرەو وەڵێ ملۆ و بە دڵ و دەروونێوی پاکەوە قۆناغوو دماتەروو خەباتی دەس پنە مەکەرۆ.  مەمیان ئارمانج بە گردوو ئی قۆناغارە مویەرۆ و واوەی وەروو حەقیقەتوو وێش مگنۆوە، جە کەسایەتیی کوردینە، ئا لایەنە دەگمەنێ کە لاو ئەرەگیرکەراوە بەرێکەوتێنێ، سەرنجەو هەست و لاوازییەکاو وێش مدۆنە و کەسایەتیی وێش بە یۆگێرتەیی ورەو کوردی و حەقیقەتوو خەباتی و گیانوو وێبەختکەردەی واوەی وەش مکەرۆوە. بە وەعددای و بەروستەی ئیرادەو وێش پەی فاڕای قووڵتەرین ئازارەکاو کوردبییەی و فاڕیای پەی گەورەتەرینی سەرکەوتەیەکا، ملۆ خواکوڕک.

دەوری سەرمەشقانەو  مەمیان ئارمانجی

خواکورک یاگێ قارەمانا پێسەو ئاسیا کانیرەش، ڕژهات، ئازاد و تۆپرەکان. خواکورک چی ساڵاو دمایینە بی بە شایەتوو چندین جەنگە سەختا. خواکورک یاگێ قارەماناو پێسە دژوار، عەگید و ڕۆستەمەکان، کە هەتا ئاخر فیشەک مدرامانشا کەرد و دماو ئانەیە زیاتەر جە ٨٠ یشا بە گولەو وێشا و دلێ بارەگاو وێشانە بە سزا یاونێ و دوژمنشا بە دەسوو وێشا خنیکنێ، دمایی یاوێ بە شەهادەت. جە کەسێتیی گەریلاکاو ئازادیی کوردستانینە ئۆپراسیۆنە دڕندایەتییەکاو دوژمنی پووچەڵێ کریێوە. گەریلاکاو خواکورکی، بە سەرمەشقایەتیی تەکتیکەکاو جەنگوو هەپەگەی ساڵەو ٢٠٢٣ێنە جە چندین چالاکیێنە تەرسێوی گەورێشا دڵوو دوژمنینە وەش کەرد. یۆ چا چالاکییا  ٢٢ی کانوونوو یوەمی وەڵینینە چوارچوەو ئۆپراسیۆنی شۆڕشگێڵنیی گەشمەردە ئەحمەد ڕووباری کەشوو گەشمەردە کامورانی و گەشمەردە حەقیینە کریا. بەڵێ جە ڕێکوستەی و سەرکەوتەی ئی چالاکییەینە  دەوروو سەرمەشقایەتیی مەمیانی فرە گرنگ بێ. مەمیان بە جەختکەردەیوەی فرەوە و بە جۆشۆ  ئامادەو ئی چالاکییەیە بێ، بە مۆراڵ و ئیرادێوی قەوەتۆ لوا دلێ شۆنەو ئەرەگیراوە. بە ڕۆحی فیداییانەو ئاپۆییوە گورز وەنەو دوژمنی مشانۆ. یۆ بە یۆ یاگێ ئەرەگیرکەرا خاپوور مکەرۆ. بە ئیسپاتکەردەی سەرمەشقایەتیی تاکتیکوو مۆدێرنوو جەنگی گەریلایەتیی جە سەختتەرین بارودۆخەنە سەرکەوتەییش نیشانە مدۆ. جە ژیوای و جەنگیچەنە وێش میاونۆ بە سەرکەوتەی و دماو وێشۆ میراتێوی کۆشیای گەورە جیا مازۆ مەمیان ئا قارەمانەنە کەهەرمانەی دلسۆزانێ وێش بە ڕابەرێتی و گەشمەردا سەرکەوتانە میاونۆ یاگێ.