میانەو مەراسیمەکەینە ڕسمەکاو گەشمەردە بەشاری، کە ٢٤و تەمووزینە گەشمەردە بی، چەنی ڕسمەکاو عەبدوڵا ئۆجالانی و عەلەمەو ئەنجومەنوو بنەیانەو گەشمەردا بەرزێ کریێوە.

بەسەدان کەسێ جە ئەرەنیشتاو شاروو تل حەمیسوو کانتۆنوو جزیرەی، سەرێ پەرسەو گەشمەردە بەشاری، جەنگەوانوو هێزەکاو قەسەدەیشا دا، کە ٢٤و تەمموزینە وەختوو هەرمانەکێشەنە گەشمەردە بی، مەراسیمەکە ئەنجوومەنو بنەیانەو گەشمەرداو تل حەمیسی قەبرسانوو شارەکەینە بەرد ڕاوە.

مەراسیمەکەنە یۆ جە فەرماندەکاو هێزەکاو قەسەدەی، مەحیەدین دێریک قسێش کەردێ وەعدش بە کەسوکاروو بنەیانەو گەشمەرداو بەشداراو مەراسیمەکەی دا، کە هەرێمەکاو سەرنیشت و وەرکەوتوو سووریای، جە هجوومە ئەرەگیرکارییەکاو دەوڵەوتوو تورکی مپارێزنا.

.

 موتەز ئەل ئەنتەریچ، ئەنداموو ڕێکوزیای دینیی تل حەمیسی، باسوو مەبارەکیی فیداییبییەیش پەی وەڵاتی کەرد.

دمایی ئشناسنامەو گەشمەردەی ونیاوە دریا دەسوو بنەیانەکیشۆ و بە دروشموو "گەشمەردێ نمەمرا" و "بە گیان بە ونی ئینایمێت چەنی گەشمەردە" ئەسپەردە کریا.