بە پاو هەواڵوو میدیاکا ۋەرکۆتوو کوردەسانی جە ١٣و ئارگای(ئۆکتۆبەر)ی هێزەکاو دۆڵەتوو ئێرانی سەرو سنورو مەریوانیۆ ئەشکەنجەو ٥ کۆڵبەرا کوردیشا دان کە خەڵکو مەریوانینۍ.

ئەرەیاۋییا کە یۆ جە کۆڵبەرەکا بە مەڵامەتوو عەزیەتکەردەیشۆ فرە بە سەختی زامڎار بیەن و ڕەوانەو خەسەخانەو مەریوانی کریان پەی هۆرگێرتەو چارەسەری. ئی عەزیەتکەردەیە جە وەختێنە بیەن کە ئا کۆڵبەرۍ هیچ کۆڵێشا پنەنەبیەن.

هامكات، بە پاو ئامارەکا کۆڵبەرنیوزی، جە ٦ مانگی یوەمو ئێساڵینە ١٤٢ کۆڵبەرۍ جە ناوچە سنووریەکانە و جاڎەکا بەینو پارێزگاکا ئازەربایجانو ۋەرنیشتی، کوردەسانی و کرماشانینە بەمەڵامەتوو تەقەی ڕاسەوخۆو هێزەکا ئێرانی، سەردای، ئەڵغام تەقایۆ، کۆتەیرە واری جە سەختیەکانە کوشیێنۍ و زامڎارۍ کریێنۍ، ١٠ کۆڵبەرێشا زاوڵۍ وارو تەمەن ١٨ ساڵانینۍ.