ئەرەنیشتەی دادگایی تاوانی قورسوو ئەستەنبوڵی بارەو دۆسییەی پەیوەندیدار بە ٦ ڕۆنامەوانا و وەڵاکریێوە ڕۆنامەیی ڕۆنامەو ئۆزگورلوکچو دیموکراسیی تەمام کریا. کە بە بەهانێ 'ئەندامبییەی ڕێکوستەینە'، 'بانگەشەو ڕێکوستەی'، 'هاندای پەی کینە و خراپەکاری' و ' پۆرەرەوردای بە تاوان و تاوانکارا' تۆمەتبارێ کریێبێنێ.

قەرارەکەو دادگاینە بە بەهانێ 'هامکاریکەردەی ڕێکوستەی' سزاو  ٣ ساڵا و ٩ مانگا زیندان پەی ڕۆنامەوانا محمەد عەلی چەلەبی بڕیۆ و پاسە سزاو ٣ ساڵا و مانگێوە و ١٥ ڕوا زیندانی پەی ڕۆنامەواناڕەیحان حاجی ئۆغلۆ، ئیحسان یاشار، ئیسحاق یاسول و هیجران ئورونە بڕیوە.

هەرپاسە دادگا قەراروو بێتاوانیی ڕۆنامەوان مزگین فەندیک بەرکەرد و دۆسییێ پنار تارلەکیێش بە جیاواز ورگێرت.

سەبارەت بە ڕۆنامەوانا، دادگا قەراروو لوایبەرو وڵاتیش سەروو ڕۆنامەواناوە لابەرد.