دمابەدماو ڕێککەوتەیەکاو ٢٢ێ نیسانو بەغدای، کە بەینو سەرۆککۆمارو تورکی ڕەجەب تەیب ئەردۆغانی و حکومەتی ناوەندینە کریا، مەنتێقەکەنە هەنگامێوی تازێ هەرێمییە دەسش پەنە کرد. ئەنقەرە کە گەرەکشا کاریگەریی وێش وەرکەوتو دلێڕاسەینە زیاد بکەرۆ، چی چوارچوەنە چەنی حکومەتی ناوەندی سەرو پڕۆژەو 'ڕاو گەشەپنەدای' بواری سیاسی، سەروازی و ئابووریینە ئیمزاشا سەرو چند ڕێکەوتەیێوە کەردێ. حکومەتو ئاکەپە-مەهەپەیگەرەکشا پا فرسەتا دەرنجامو ئی ڕێککەوتەیاوە مگێرۆشا، دژو تەڤگەرو ئازادیی کوردستانی هجوومی تازەو ئەرەگیرکاری بکەرۆ.

لێگەڕیینەکاو ئەنقەرەی

ئەردۆگان ڕاو ئی ڕێککەوتەیاوە هەوڵێ مدۆنێ ژیوگەو جەنگی شەڕ هەرێمەکەنە بخولقنۆ، هەم ڕای گردینەو دلێ، هەم گرد هامسەنگیێوی سیاسەتو بەری بە پاو ئۆپراسیۆنی تازەو ئەرەگیرکاری نەخشەمج بکەرۆ.  سیاسەتو دلێنە دایوسانای چەنی جەهەپەی مکەرۆ، جە سیاسەتو بەریچنە ئینا هەوڵێنە پەی ڕازیکەردەی ئێرانی، بەروزو ئەرەمجوو ئی سیاسەتەینە. چی چوارچوەیچنە مەیدانی میاننەتەوەیینە و چە مەیدانی هەرێمییچنە دایوسانایەکێشا چەنی هێزە هەرێمییەکا زیاتەرێ کەردێنێ.

بڕێو هێزێ و لایەنێ بەغدانە هۆشیارییشا دان بە سوودانیی

ماوەو چند ڕوێوا میدیاکاوە باس چا لەو ڕێککەوتەیا ئەردۆگانی مکریۆ کە پێسەو دەسکەوتی نیشانە مدریۆ، بەڵام ئا بابەتێ 'نیشانە نمەدریا' ناڕازیبییەی ئا هێزانە، کە سەبارەت بە هەوڵدایەکاو تورکی ناڕازیێ و نیگەرانێنێ. هێزە نامێبریێکێ جە ئاستی فرە باڵانە هۆشیارییشا دان بە حکومەتو سوودانیی دەسبەردارو پلان و ڕێککەوتەیەکاو دەوڵەتو تورکی بۆ، کە عێراقی پەلکێشو دلێ جەنگێوی تەری مکەرۆ.

ئا هێزێ کە گەرەکشا نیا جارێوی تەر عێراق بلۆوە دلێ مەیدانو جەنگیوە، ئاماژە پانەیە مکەرا پی ڕێککەوتەیا میانو ئەردۆگانی و حکومەتەکەو سوودانی کەردێنێش، ڕەوایەتی مدۆ دەدات بە بییەیی نایاسانەو دەوڵەتو تورکی عێراقەنە.

دماو هامپەیمانیی فەتحی، دەوڵەتو یاسێچ وەراوەرو ئەرەگیرکارییەکانە مدراوە

هامپەیمانیی فەتحی، کە هێزێوی کاریگەرو سەرو مەیدانی سیاسیی عێراقین، دماو ڕێککەوتەیەکا، ناڕەزاییش دژو ئۆپراسیۆنی تازەو  ئەرەگیرکاری نیشانە دا. عەلی ئەل فەتلاوی ئەندامو هامپەیمانی فەتحی ئاماژەش دا کە بەشداریی 'جەنگو نوێنەرایەتی' نمەکەرا.هەرپاسە هامپەیمانیی دەوڵەتو یاسێچ بە سەرمەشقایەتیی نوری مالیکی واتش دژو ئۆپراسیۆنی تازەو ئەرەگیرکاریی دەوڵەتو تورکینێ. دەوڵەتو یاسێ کە عێراق و بەغدانە ساعیبو کاریگەریێوی سیاسیی فرەینێ، پێسەو هێزێوی سەرەکی دژو  ئا سیاسەتەیە مدرێوە، کە دەوڵەتو تورکی و پەدەکە گەرەکشانە بیاوناش یاگێ.

'ڕێککەوتەیەکە بە پاو بەرژەوەندییەکاو تورکین'

ئەندامو هامپەیمانیی فەدال ماوات کاسار ئەل زەرجاوی پەی ئاژانسو هەواڵو فوراتی (ANF) واتش ئا ڕێککەوتەیێ ئەردۆگانی کەردێنێ زیاتەر پەی خزمەتو بەرژەوەندیی ئەنقەرەینێ تا بەغدای. زەرواجی واتش  ئەردۆگان پەی سڵحنای بەرژەوندییەکاش هەرێمەکەنە ئینا سەفەربەریێوی گەورەنە و هەوڵێ مدۆ ئینەیە سەرو بەغدایچرە بارۆ. زەرجاوی واتش ئینە یاگێ قبووڵکەردەی نییەنە و واتش ڕێککەوتەیەکەنە تەنیا بەرژەوەندییەکاو تورکی بە بنەما گیریێنێ.

'پێویسا ڕۆژەڤی بنەڕەتی دماییئاردەی بۆ بە بییەیی سوپاو تورکی عێراقنە'

زەرجاوی واتش داتاکاو ڕێکەوتەینامەکەی پەی ڕای گردینی  وەڵا کریێنێ و واتش، "ئینە ڕەوشێوی گوماناوی دروس مکەرۆ. بەتایبەت خاڵەو ڕێککەوتەی ئاسایشی و ئابووری پەی ڕای گردینی وەڵا بکریۆوە.  هەوڵێ مدریا جەنگێو باریۆ ئاراوە کە تەنیا خزمەت بە بەرژەوەندییەکاو ئەنقەرەی مکەرۆ. هەوڵێ مدریا کە هێزەکاو حەشدی شەعبی و هێزێتەرێچ بەشدارێ دلێ ئی پلانە تازێ جەنگی بانێ. بەڵام چندین هێزێ کاریگەری سەروو مەیدانی سیاسیی عێراقینە دژو ئی پلانێ مدرێنێوە. هەرپاسە پێویسا وەڵێ گرد چیوێنە بەرکەردەی هێزەکاو تورکی عێراقنە بۆ بە ڕۆژەڤی سەرەکیی حکومەتو عێراقی. پێویسا گردو بنکە سەروازییەکاو دەوڵەتو تورکی عێراقنە بوزیارە."

'پێویسا هیچ هێزێوی عێراقی بەشداریی ئۆپراسیۆنی تازەو ئەرەگیرکاری نەبۆ'

زەرجاوی سەرنجەش وستە سەرو قسێوە ئەردۆگانی، کە واتەنش 'پەرچینێوە ئاسایشی بە قووڵی ٣٠-٤٠ کیلۆمەترا پەی دلێ خاکو عێراقی وەش مکەرمێ' و واتش، "بەدڵنیاییوە پێویسا عێراق ڕا بە توکیای نەدۆ بگنۆ دلێ خاکو عێراقیوە. چەنی جموجووڵەکاو توکیای نەلۆ قۆناغێوی تازەوە، چونکوم قۆناغێوی ئەرەگیرکاریین. حکومەتو عێراقی بەشداریی بارودۆخێو نەکەرۆ، کە بۆ بایسو هامبەشی  واوەی ئەرەگیرکەردەیوە خاکو عێراقی. پێویسا هیچ هێزێوی عێراقی بەشداریی ئی پلانێ نەکەریۆ."