نەپەگە: مڎرامانی گۊرەو ڕۆچۍ مەردەی ١٤و تەمووزی زېڵۍ گیانبازی و هێزی نەبەزیاو ئەرەکۊشای ئێمەن کە بە سەرمەشقایەتی رابەر ئاپۆی گەورەبی و گرڎ ڕوۍ تاریخێوەش پێزیاد کەرد. ئێمە سەرو رێچکەو ئا مڎرامانا سەرۍ گنمۍ.
فەرماندەیی قەرارگەو ناوەڼی پارېزنای گەلی (نەپەگە) بۆنەو ساڵیاڎو مڎرامانوو ١٤و تەمووزیۆ ئەرەیاۋنێوەش وەڵاکەردۆ.
جە ئەرەیاۋناکەو نەپەگەینە ئامان:
"سەرمەشقە نەمرەکېما کەمال پیر، محەمەد خەیری دورموش، عاکیف یەڵماز و عەلی چیچەک دڕندانەتەرین ئەشکەنجەکۍ کۆلۆنیالیزمیشا پوچۍ کەردێوە و بە مڎرامان ڕاو سەرکەوتەیشا کەردۆ. جە کەسایەتی ئا سەرمەشقانە ئێمە گرڎو گەشمەرڎاما بە رێز، وەشەسیای و پنەزانەیۆ یاڎۍ مکەرمێوە. مڎرامانی گۊرەو ڕۊچۍ مەردەی ١٤و تەمووزی رۆحی گیانبازی و هێزی نەبەزیاش بە ئەرەکۊشاکەیمادا کە بە سەرمەشقایەتی رابەر ئاپۆی گەورە بی و گرڎ ڕوۍ تاریخێوەش پێزیاڎ کریا. ئێمە قەول واوەی مکەرمېوە کە سەرو رێچکەو ئا مڎراماناوە سەرۍ گنمۍ.
پەی ئانەی گەلەکەما کە چېرو قڕکەردەینە ئێش چەشۆ، بۆنە بە خاوەن ئایندێوە ئازاڎ، پەکەکە جە کورڎەسانەنە هێڵۊو مڎرامانیش خولقنا. دەوڵەتو تورکی ئەرەگیری و کۆلۆنیالیستی کە گەرەکشا ئی هێڵۍ دلېنەبەرۆ، جە زیڼانو ئامەدینە جە ۋەرا ۋەرو مرۆڤایەتینە گەورەتەرین تاوانەش کەردە. سەرمەشقەکېما سەرەڕاو ستەمی و ئەشکەنجەی دژواریچ ڕاشا بە ۋێدایدەسۆی و خیانەتی نەڎا. سەرمەشقەکېما جەسڎەو ۋێشا دڵۆپ دڵۆپ تاوناوە و پا جۆرە شکۆو ئێمە، هیواو ئایڼێوە ئازاڎی گەلەکەیما و پارتەکەیما پەکەکەشا بە گیانوو ۋێشا پارېزنا و ڕۊو شکۆی نەتەوەییشا خوڵقنا. گەشمەرڎێما بە مڎرامانوو ۋێشا تاریخێوە کە بەرەو وڕای لوۍ، فاڕاشا. بە سەرمەشقایەتی فەرماندەیی گەورە عەگید (مەعسوم کۆرکماز)ی، گەریلاکاو ئازاڎیی کورڎەسانی ئەرەکۊشای ئا گەشمەرڎاشا هۊرگېرت. گەریلاکاو ئازاڎیی کورڎەسانی ئا ئەرەکۊشایشا بە هەڵمەتەو ١٥و ئابی سڵامکەرد و فاڕاشا پەی جەژنەو ژیۋایۆ گەلەکەیما. زېڵۍ مڎرامانوو ١٤و تەمووزی جە فیداکاری و فیداییبیەینە ئاڵاو ئەرەکۆشایماش یاونا بە قولەپۊپە. هێزەکاو گەریلای فیدایی ئا زېڵێشا یاونا بە گرڎ پارچېوە خاکو کورڎەسانی و جە دژوو کۆلۆنیالیزمی زەمینەو جەنگی شۆڕشگێڵنی گەلیشا خوڵقنا.
دەوڵەتو تورکی کۆلۆنیالیستی و قڕکەری پېسە هېزی، ئارۊیچ گرڎوو رێبازەکاو جەنگی چەپەڵی ۋێش وستێنۍ گەڕ و گەرەکشا بە پاکتاوکەردەی گەریلاکاو ئازاڎیی کورڎەسانی، راسی کوردی ئازاڎیی و کورڎەسانی کە جەلایەنو رابەر ئاپۊیۆ خوڵقیان، دلېنەبەرۆ. سەرو ئا بنەمایۍ دەوڵەتو تورکی گرڎو دەرفەتەکاو ۋێش وستێنۍ ئاماڎەیۆ، هرووژمەکێش زیاڎۍ کەردێنۍ و پی جۆرە گەرەکشا بیاوۆ ئەنجام. هێزەکېما دژوو گرڎ هرووژمەکا بە شێوۍ فیدایی ۋێڕاگریشا کەرد، پەی پارێزنای گرڎ پارچېوە کورڎەسانی بێ دووە دڵی گیانو ۋێشا بەخت مکەرا و بە ئەرەگیراش نیشانە مڎا کە ئاڎۍ هەمڕۍ کەمال، خەیری، عاکیفی و عەلی چیچەکەکانۍ. ئا گەشمەرڎێما پا حەدە ژیۋایشا وەش مسیۆ کە ۋێشا پەیش بە فیدایی مکەرا و جە دژوو خیانەتیچ پەرە بە مڎرامانی مڎا. گەریلاکاو ئازاڎیی کورڎەسانی ئا ئاڵێ مڎرامانیشا شۊکناوە و بەتایبەتی جە ئەیالەتەکا سەرنیشتوو کورڎەسانی، جە زاپ، گەشمەرڎە دەلیل جە ۋەرنیشتوو زاپی، ئاڤاشین، مەتینا، حەفتانین و خواکورک دژوو هرووژمە ئەرەگیریەکا بە شێوۍ فیدایی ۋێڕاگریشا کەرد. هەمڕێکێما نیشانەو دۆسی و دوژمنیشا دا کە رۆحوو مڎرامامانوو پەکەکەی حەجگیز نمەبەزیۆ. ئەرەگیرەکۍ نەتاواشا دیوارو مڎرامانوو گەریلای ۋییەرنانە، کە گەریلاکۍ ئا دیوارەو مڎرامانیشا بە شێوەو جەنگوو تیمە پسپۆڕیەکا، دۆڵەمەنڎیی تاکتیکی، پێرفۆرمانسی بەرزو جەنگی و باڵادەسبیەی تەکنیکی پەرەپنەدا. ئەرەگیرەکۍ دیسان جە ۋەرا ۋەرو فیداییەکا کورڎەسانینە تاوانەو جەنگی مکەرا، چەکی کیمیاویی و تەقەمەنی قەڎەغە بەکاربەرا، هیواشا سەرو خیانەتی و هامکاری هۊرچنیەن و پی جۆرە هەوڵ مڎا بیاوا بە ئەنجام. سەرەڕاو گرڎوو هرووژمە نامەردانە و نامرۆڤایەتیەکا، بەڵام گەریلاکاو ئازاڎیی کورڎەسانی بە زېڵۍ مڎرامانوو ١٤و تەمووزی سازش نمەکەرا و وڵاتەکەیما کورڎەسانی و دۆزی ئازاڎیی گەلەکەیما بە شێوێوە فیدایی پارێزنا.
پېسە گەریلاکاو ئازاڎیی کورڎەسانی کە سەرمەشقۍ جەنگوو شۆڕشگێڵنی گەلینۍ، ئێمە بۆنەو ٤٢ەمین ساڵیاڎو مڎرامانو گەورەو ڕۊچۍ مەردەی ١٤و تەمووزی ئەرەیاۋنمێش کە بێ دووە دڵی ئەرەکۊشایما سەرو هێڵۆو گیانبازی درێژە پنەمڎەیمۍ. ئێمە سەرو هێڵۊو مڎرامانوق ١٤و تەمووزی پاگیری مکەرمۍ و ڕاپیمای ۋێما پەی رابەرایەتی ئازاڎی و کورڎەسانی ئازاڎیی بە سەرکەوتەی تاجدار مکەرمۍ. ئێمە پا قەناعەتۆ سڵام جە گەلە وڵاتپارێزن و ۋێڕاگرەکەیما و هەمڕایاما جە گرڎوو مېڎانەکا ئەرەکۊشای مکەرمۍ و سەرکۊتەیشا پەی موازمۍ".
