پارێزنەراو فەرمانگەو یاسایی سەدەی ڕازیە ئۆزتورک، ڕێزان ساریجا، فایق ئۆزگور ئەرۆڵ و مەزڵوم دینچ پەی دیداری موەکیلەکەیشا، ڕابەروو گەلوو کوردی عەبدوڵا ئۆجالانی، کە زیندانوو ئیمرالیینە چێروو دۆخوو گۆشەگیریی سەختینە گیریێنێ و ماوەو ٣٨ مانگان ڕا نمەدریۆ هیچ زانیاریێوە بیاوۆ بنەیانە و پارێزنەرەکا. داواکاریی دیداریشا پێشکەشوو داواکاری گردینوو بورسای و ڕاوبەرایەتیی زیندانوو ئیمرالی کەرد. هەمان وەختەنە داواو دیداریشا چەنی زیندانیای تەرو ئیمرالی، عومەر خەیری کۆنار، حامیلی یڵدرم و وەیسی ئاکتاشی کەرد.

کۆبییەیوەکێ ئاستەنگێ مکریا

ڕابەروو گەلوو کوردی عەبدوڵا ئۆجالان و یەرێ زیندانیێ تەرێ ئیمرالیی مافوو دیداریشا چەنی بنەیانە و پارێزنەراشا بە بەهانێ "سزاو دیسپلین"یوە ئاستەنگ مکریۆ. بەینوو ساڵاو ٢٠٢١ تا ٢٠٢٣ لاو کەمیوە ٥ جارێ سزاو دیسپلینی هەر جارێ پەی ماوەو ٣ مانگا سەروو ڕابەروو گەلوو کوردی عەبدوڵا ئۆجالانی و زیندانیییای تەروو ئیمرالیرە سەپنیان.

سەرەڕاو گردوو تانە و ناڕەزایەتییەکا، هۆکارو سزاو دیسپلینی و ژمارەو دۆسییەکا بە پارێزنەرا نەوچیان. دەسەڵاتی دادوەری هۆکارو بەرنەوستەی ژمارەو دۆسیەکاش پاسە نیشانە دان، کە "میدیاکانە وەڵێ مکریاوە."