پارێزنەرەکۍ ڕابەر ئاپۊی پەی لووای پۍ ئیمراڵی واوەی داواکاریشا وست ڕووە
نۋیسینگەی یاسای سەڎەی پەی ئەنجامدای دیاری چنی ڕابەروو گەلوو کوردی عەبدوڵا ئۆجالانی کە ماوەو ٣ ساڵان حیچ هەواڵێوەش چنە هۊرنەگیریان داواشا وست ڕووە.
پارێزنەرا فەرمانگەو یاسایی سەڎەی، ئیبراهیم بیلمەز، ڕازیە ئۆزتورکە، عمران ئەمەکچی، جەنگیز یورکلی، پەی ۋینای موەکیلەکەیشا، ڕابەروو گەلوو کوردی عەبدوڵا ئۆجالانی کە ئینا چېروو گۆشەگیری ڕەهاینە و ماوەو ٣ ساڵان حیچ زانیاریېوە سەروو ژیۋایش مەڎریۊ، داواکاریېوە تازەشا جە سەرۆکایەتی داواکاروو گرڎی بورساینە تۆمار کەرڎە.
پارێزنەرا پۍ دیڎاری چنی زینڎانیا تەروو ئیمراڵی عومەر خەیری کۆنار، حامیلی یڵدرم و وەیسی ئاکتاشی سەردای داواکاری گرڎی و ڕاوەبەری زینڎانوو ئیمڕالیشا کەرڎ.
جە ٢٥و ئاداروو ٢٠٢١یوە تا ئیسە حیچ زانیاریېوە سەروو ڕابەروو گەلوو کوردی عەبدوڵا ئۆجالانی وەڵا مەکریۊوە.
