"کۊنفرانسی جیهانیی گەنجا" پاریسنە لوا ڕاوە. کۊنفرانسەکە لاو تۊڕەو "ڕۊناهی" و "گەنجۍ تاریخی منویساوە" ڕوەکاو 3-5وو تشرینوو یوەمی لوا ڕاوە و زیاتەر جە 60 ڕێکوستەی گەنجا و زیاتەر جە 300 چالاکا سەرانسەروو دنیێوە بەشدارییشا کەرد.

لوسیا، چالاکەو جمیەروو گەنجاو تۊرینوی، کە شاروو تۊرینوو ئیتاڵیایۊ بەشدارییش کۊنفرانسەکەنە کەرد، سەبارەت بە ڕابەروو گەلوو کوردی عەبدوڵڵا ئۊجالانی گۊشەگیری و کاریگەریی ویرۊکەکاش، کەشوهەواو کۊنفرانسەکەی ورسەنگنایش پەی ئاژانسەکەیما (ئەنەفە)ی کەرد.

لوسیا واتش، کە باسشا جە جوابێوە تازەی و ئارڎەینەرانەی و دیموکراسییانەی پەی مۊدێرنیتیی سەرمایەداری کەرڎەن و ئەرەیاونییا، کۊنفیدرالیزمی دیموکراسی هومێد بەخشۊ. واوەی واتیچش کەشوهەواو کۊنفڕانسەکەی پەڕ بۍ جە هومێدی و ویرۊکەرڎەی، وەختێوە هەست پانەیە کەری، کە ئی کەسۍ گردشا پێوە کۊشیا دژوو سیستموو نیولیبراڵی و سەرمایەداری، کە هەوڵۍ دلینەبەرڎەیما مدۊنە و بێزارما کەرۊ، دەکات، ئادێچ گرووپێوە گولانۍ نییەنۍ، بەڕاسی هەست بە گەورەیی کەرا. هەرپاسە نەزانێنی ئێمە چند گەورۍ و قەوەتێنمۍ. وەلۍ چێگەنە متاوی هەست بە گردوو ئا هێزەیە کەری.  چونکوم ئێمە ئینایمۍ پێوە و مزانمۍ متاومۍ جیهانی فاڕمۍ."

ویرۊکەکاو عەبدوڵڵا ئۊجالانی پەی گردوو جیهانی ڕانۍ و ئەرەسپاراینێ

لوسیا زانیاریی ئانەیچش دا، ویرۊکەکاو عەبدوڵڵا ئۊجالانی پەی گردوو جیهانی وەڵێنیازێوەنۍ و درێژەو قسەکاشنە واتش:"عەبدوڵڵا ئۊجالان ٢٥ ساڵێن ئینا چێروو گۊشەگیریینە. وەلۍ قەت دەسش جە کۊشیای پەی ئێمە ورنەگێرتەن. پەوکای تەنانەت زیندانیچەنە منویسۊ.  ئیساتۍ متاومۍ ویروڕاکاش بوانمێوە، تەنیا جە وانایۊنە سنورڎارۍ نیەنۍ، بەڵکوم هەمان وەختەنە ویرکەرڎەیوەکاش شۊڕشوو وەرنیشتینە و کۊنفیدرالیزمی دیموکراتیکنە وینمێوە. ئێمە ئجۊما متاومۍ فرەو چێوا چی شۊڕشەیۊ فێرۍ بیمۍ و ورگێرمۍ. چونکوم ئینە تەنیا ڕاێوە نییەنە پەی وەرکەوتوو دلیڕاسەی و کوردستانی، بەڵکوم ڕا و وەڵێنیاریوەنە پەی گردوو جیهانی."

پێویستە ئێمەی گەنجا پەی ئازاڎیی عەبدوڵڵا ئۊجالانی کۊشیەیمۍ

لوسیا ئاخرۊ قسەکاشنە ماچۊ:"پێویسا گەنجۍ پەی ئازاڎیی عەبدوڵڵا ئۊجالانی کۊشیا، پەوکای پێویسما بە ئازاڎیی جەسەیی عەبدوڵڵا ئۊجالانی هەن. چونکە بواری ڕۊحی و فکرییوە ئازاڎا، وەلۍ پێویسیش بە ئازاڎیی جەستەیی هەن. چونکوم وێش مزانۊ کە چەنی ئەو دەزانێت چەنی ئی ناکۊکی و جەنگوو یەرەموو جیهانییە حەل کەرۊ. وێش تەنیا سیاسەتمەدار نییا، هەمان وەختەنە فەیلەسوفیچا. هەمیشە ڕای یەرەمەش فێرۍ کەرڎێنمۍ.پەی چارەسەرکەرڎەی جەنگی جیهانی درێژخواینی ڕای یەرەمۍ بە خاس مزانۊ. ئێمەی گەنجیچ مشۊم کۊشیەیمۍ پەی ئازاڎیی بەڕێزیشا، تا ئازاڎ بۊ بەرڎەوامۍ بیمۍ جە کۊشیای."