کەجەکە بۆنەو کۆچی حەقەتینو حاجی ئەحمەدیۆ پەیامو پرسە و سەرەوەشیش وەڵاکەرڎۆ و ئەرەیاۋناش؛ "بێ گومان ژیۋایۍ بەقیمەتش بەرد سەر، جە ۋەرا ۋەرو ئا ژیۋایە بەقیمەتەیشەنە سەرەو ڕێزی منامنمېرە، جارێوەتەر پرسەو سەرەوەشی ۋېما ئاراسەو هەڤاڵاو گەلی وڵاتپارێزنیما مکەرمۍ
پەیامەکەو هامسەرۆکایەتی کۆنسەو ڕاوەبەری کەجەکەی پی جۊرەنە:
"رۆڵەی شۆڕشگێڵنو گەلوو کوردی، هەڤاڵی وڵاتپارێزن عەبدولڕەحمان حاجی ئەحمەدی، هېزی بە مەڵامەتو نەوەشیۆ گیانش جە دەسدا و ئێمە پی کۊچەیە خەمبارۍ بیێەیمۍ، پا بۆنۆ سەرەوەشی ۋێما ئاراسەو بنەیانەی قارمانیش، گەلوو ۋەرکۊتی و گرڎو گەلوو کوردەسانی مکەرمۍ. بێ گومان فرە خەمبارێنمۍ بە کۆچی دماینو کەسایەتیێوە چامنە شۆڕشگێڵنی کە گرڎو ژیۋای ۋێش بە ئەوەکۊشای پەی گەلەکەیش بەردەن سەر. گومانش چنە نیا کە یاڎەوەرییەکاش جە ئەوەکۊشایمانە بە ڕێزدارییوە یاڎۍ مارمېوە و مېیاوۆ مەرامو ۋێش.
هەڤاڵ حاجی ئەحمەدی کۊششکارۍ بۍ کە بە کەسایەتی راس، ئازا و مانیانەشناس ئشناسیا بۍ. گرنگتەرین تایبەتمەندی ئاڎیی ئەوەکۊشای بۍ پەی ئازادی گەلوو کوردی. هەست و ئەنەیاوای وڵاتپارێزنیش فرە وەڵێوەبۍ. گرڎو ژیۋایش سەرو ئا هێڵێوە لوۍ. نەواچۍ کێ چێش ماچۆ و لا نەکەرێوە و بەردەوام بۍ سەرو ڕێبازو ئەوەکۊشایش. حەجگیز گرنگی بە بڕۍ چێوۍ لاوەکیۍ نەڎۍ. هەمیشە جە دژو هێڵۊو هامکاری هەڵوێسێوە ڕۊشنش بۍ. بە هەڵوێسە ڕۊشنەکەیشۆ هەمیشە نوێنەرایەتی هێڵۊو راسی، دڵسۆزی و ئازایانە وڵاتپارێزنی کوردی کەرۍ. پی تایبەتمەندیۆ بەردەوام و ڕاسگۆیانە هیوا بە هەڤاڵاش بەخشۍ. ژیۋایش هەمیشە ئەوەکۊشای بۍ. جە تەمەنو جوانیشەنە بەشداری ئەوەکۊشای گەلەکەیش مکەرۆ. بە گێرتەی ۋەرو رێبازی وڵاتپارێزنی قازی محەمەدی دەس بە ئەوەکۊشای مکەرۆ و نوێنەرایەتی ئی هێڵۍ کەرۍ. هەڤاڵ حاجی ئەحمەدی پێشمەرگایەتیچش کەردەن. دماتەر جە نزیکۆ ڕابەر ئاپۆش ئشناسا و پېوەش بیەیۍ فرەش بە فکرەکا ڕابەر ئاپۆی لاوە وەش بۆ. ئینە کاریگەریۍ فرە سەرو ئەوەکۊشای ئاڎیی منیۆرە. پا هێزەی کە جە فکرەکا ڕابەر ئاپۆی بەدەسش ئاردۍ، چالاکتەر، بە جۆش و خرۆشێوە بەرزتەر درێژە بە ئەوەکۊشایش مڎۆ. جە ئانجامو هەوڵو وڵاتپارێزنی قووڵو ۋێش، یۊبیەی نەتەوەیی کوردی فرە بە گرنگ زانۍ. دڵش پەی گرڎو کوردەسانی دێوەنە. گۊرەتەرین وەرمو ئاڎیی وەشکەردەی یۊبیەی نەتەوەیی کوردی بۍ. بەردەوام چا بارۆ ئەوەکۊشۍ. جە دماینە بەشداریێوە کاراش جە پێکئاوردەی کەنەکەینە کەرد و چی بوارەنە وەڵێکۊتەی گۊرەش بەدەسئارڎ.
یۆ جە گرنگتەرین تایبەتمەندییەکا هەڤاڵ حاجی ئەحمەدی ئانە بۍ کە جە گرڎ یاگێنە بێ ئانەی چەمۍ جە دنیای بکەرۆ ئەوەکۊشۍ. جە هەرشۊنێنە دەرفەتش بیۍ بێ دووەدڵی کار و کۊشش کەرۍ. جە کەشەکا کوردەسانینە کۊشش کەرڎەن. جە کاتو هەرمانکەردەینە جە کەش، سەرنجش سەرو پەرەپنەدای ئەوکۊشای شۆڕشگڵنیی ۋەرکۊتوو کوردەسانی بۍ. پۊکەی بە ئامانجو پەرەپنەدای کۊششی و ئەوەکۊشای جە ۋەرکۊتوو کوردەسانینە چالاکانە بەشداریش جە ئەرەمەرزنای پەژاکینە کەردەن و پەی ماوەو چڼین ساڵا پېسە هامسەرۆکو پەژاکی کار و ئەوەکۊشایش کەردەن. ژیۋایش پەڕ جە دەسکەوتی و سەرکۊتەی گۊرەی بۍ. بێگومان ئی ژیۋایشە فرە بەقیمەتا. جە ۋەرا ۋەرو یادەوەرییە بەقیمەتەکاشەنە سەرەو ڕێزی و پنەزانای منامنمېرە و جارێوەتەر پرسە و سەرەوەشی ۋێما ئاراسەو هەڤاڵاش و گەلی وڵاتپارێزنو کوردەسانی مکەرمۍ".
