بە سەرمەشقایەتی پارتو هەرێمە دیموکراتیکەکا (دەبەپە)ی پارتو یەکسانی و دیموکراسی گەلا (دەم پارتی) و تەڤگەرو ژەنا ئازادی (تەژەئا)ی ئېرو نەورۆزی جە شڕناخەنە پیرۆز کریا.

جە مبارەکباییەکەنە بە سەڎان ژەنی، جوانۍ و ئەنداما و نوێنەرا پارت و ڕێکوزیا مەدەنییەکا ئاماڎۍ بێنۍ، دماو دەیەقێوەڕێز ۋنە نیای، مەراسیمەکە بە هوتافۆو "بژیۋۆ سەرۆک ئاپۆ"ی جۆشدریا.

جە مەراسیمەکەنە هامسەرۆکو شڕناخو دەم پارتی، تایبەت بیلگە قسێش کەردۍ و بانگەوازش جە گەلی کەرد خاوەنداری جە بانگەوازو 'ئاشتی و گلېرگەی دیموکراتیک'ی ڕابەر ئاپۆی بکەرا.

دماتەر واتەواچەو دەم پارتی ئایشەگوڵ دۆغانە قسێش کەردۍ و جە قسەکاشەنە باڵبەسکەردەی سەرۆک شارەوانی گۊرە شارو وانی ئەکرەم ئیمامئۆغلویش شەرمەزار کەرد.

هەر جە قسەکاشەنە ئایشەگوڵە سەرنجش وست سەرو بانگەوازییەکەو ڕابەر ئاپۆی و واتش: "بانگەوازییەکە پەی گرڎو گەلان و ئازادی گەلا مسۆگەر مکەرۆ. پۊکەی پەنەوازا بە گرڎیماوە جە ئەوەکۊشایما بەردەوامۍ بیمۍ."

دماتەر بە هوتافۆ ئېرو نەورۆزی کریاوە و هونەرمەڼا سۆرژیان و هۆزان شەڕڤان بە گۆرانییەکاشا جۆشو خرۆشی زیاتەرشا دا بە مەراسیمەکەی.