گەریلاکان نەورۆزی گەلانیان پیرۆزکرد و گوتیان: "دوورین لە گەلەکامانەوە، بەڵام بە دڵ و ئیرادەوە لەگەڵییانداین و هیوامان گەورتر دەبێت. هیوامان گەورەیە بۆ ئەوەی نەورۆزی ٢٠٢٦ لەگەڵ ڕێبەر و گەلەکەماندا پێکەوە لەسەر دیوارەکانی قەڵایی ئامەد پیرۆز بکەین."
گەریلاکا ئازادی کوردەسانی بە جۆش و خرۆشۆ نەورۆزو ئاشتی و ئازادیی گەلاشا پیرۆز کەرد.
گەریلاکا هەپەگەی زیلان سپێرتیە و گەرناس خۆراسانی نەورۆزشا جە گەلا کوردەسانی پیرۆز کەرد و هەستو دڵوەشی وێشا هامبەش کەرد. گەریلاکێ ئاماژەشا پەنەیەدا ئی نەورۆزە نەورۆزو ئازادی رابەر ئاپۆین پۆکەی ئنە بەجۆشا.
'هیوامان گۆرە مکەرمێنە و سەر جەنۆ وێما بونیات منییەیمی'
زیلان سپێرتیە: نەورۆز جە ڕابەر ئاپۆی، گەشمەرڏا، مڏرامانی جە زینانەکانە، گەلەکەیما و هەمڕێایاماو، جە گرڏ کەسێ پیرۆز مکەرمێنە کە دەنگش دژس زوڵمینە بەرزکەردەنۆ، پیرۆز مکەرمێنە. بە تایبەت جە نامەکەو ڕابەر ئاپۆی کە پەی ئێمەش گیانا، هەنگامێوە تازێ بێ، مۆڕاڵێوە تازەش بنیادنیا.
پەیامەکەو ڕابەریما جە گرڏ لێوەنە دەنگش داوە و مڏرامانش وەرفراوان کەرد. ئینەیچ نیشانەو دەنگدایۆ پەیامەکەو ڕابەرایەتی بێ. جە ماواو مەزڵوم دۆغانینە، جە چنین ناوچانە مەراسیمێ ئەنجام دریانە. پێسەو هێزەکا یەژا ستاری پی مۆڕاڵۆ سەرجەنۆ وێما بنیاد منییەیمێ.
خاوەندارێتی کەردەی جە فکرو ڕابەرایەتی، بە دروشمو 'بژیوۆنە سەرۆک ئاپۆ' سەرجەنۆ بونیات نیایۆ وێما بە ڕاسی یاگێ دڵوەشینە. بە تایبەتی ئا مەراسیمێ کە بەسەرمەشقایەتی ژەنا کریۆنە فرە بە مانان. نامەکەو ڕابەرایەتی جە گرڏ یاگینە ونریاوە، پڕۆسێوە تازە بێ، بە تایبەتی ئەڏایا مڏرامانشا گۆرە کەرد. گەلەکەما کەوتێ دلێ پڕۆسەو سەرجەنۆ بنیاد نیاو وێشا. ئینە نەورۆزە پەی ئێمە جیاوازا. چونکە نامە نامەو ڕابەرایەتی جە تەمامو جەهانینە ونریاوە. جە گرڏ یاگێنە،
نییەنمێ دلێ گەلەکەیمانە، بەڵام هەس مکەرمێنە، هیواما گۆرە مکەرمێنە. ساڵەو ٢٠٢٦ پەی ئانەی چنی ڕاڤەر ئاپۆی و گەلەکەیما جە دیوارەکا ئامەدینە نەورۆز پیرۆز کەرمێنە، هیواما گۆرە مکەرمێنە.
'هەست بە جۆش و خرۆشو نەورۆزو گەلەکەیما مکەرمێنە'
گەرناس: نەورۆزو ئازادی جە ڕابەر ئاپۆی، جە گەشمەرڏا حەقیقەت و گەلوو مڏرامانیما پیرۆز مکەرو. گەلوو ئاری بە ساڵانە ئی نەریتەو نەورۆزی پیرۆز مکەرۆ؛ واتێوە تاریخی گۆرەن. ئاشکران نەورۆزو ٢٠٢٥ فرە جیاوازتەرا چایشا تەری.
بە تایبەت جە گرڏ یاگێ کوردەسانینە ئی جۆش و خرۆشە هەستش پنە کریۆنە. مەراسیمەکێ سەرنیشتوو کوردەسانی، جە لجێ، وەرکەوتوو کوردەسانی؛ یۆبییەو گەلوو کوردەسانی دەستنیشان مکەرۆ. ساڵانە گەرەکشا بێ زەرەر جە نەریت و یۆبییەی گەلوو کوردی دانە، گەرەکشا بێ کەلتووریما شێونانە، بەڵام بە پارێزناو کلتوورەکەیما، بە پارێزناو کورد و کوردەسانیا و خاوەندارێتی جە کلتووری گەلوو ئاری ئی هەنگانە دلێنە بریا و هرووژمەکێ پوچەڵێ کریێوە.
ڕابەرما دلێ گرڏ هەلومەرجێ و سەختەکانە ئی دەسکەوتێشە خوڵقنێ. کورد ئیتر هۆشیاری وێش هەن، زانان. دۆزو ئازادیش هەن. گەلێوە بەشەرەفا، کلتوور و مڏرامانو وێش پارێزنۆنە. ئی جۆش و خرۆشە دەنگدایۆ ڕابەر ئاپۆین دلێ گەلوو کوردی و پڕۆسەکەینە.
ئارۆ وینمێنە داواکاریی ڕابەر ئاپۆی پەی ئازادی پەی گەلا چێردەسی و گرڏو گەلا کۆشش کەرێ ئنەی تەر بەهێز بییەن. ئازادی بەدی مێنە، چنی ڕابەر ئاپۆی سەرو دیوارەکا ئامەدینە نەورۆز پیرۆز مکەرمێنە. پی بڕوێوە ئەوەکۆشای گۆرە مکەرمێنە و درێژەش پنە مرەیمێ.
