کۆنفیدراسیۆنو جڤاکی کوردستانی ئەڵمانیانە (کۆن-مەد) پەیامەکەشنە پەی ١و ئایاری واتش: "هومێد مکەرمێ ساڵەو ٢٠٢٤ بۆ بە ساڵەو و سەرەتاێوە چانەیە، کە چینو کرێکاری و خەباتکارا بە زانابییەی ئەخلاقی و سیاسی تازەوە ئەرەپڕا و وربێزا سەرو پایا."
کۆن-مەدئەرەیاونا نویسیایەکەنە ماچۆ: " ساڵەو ١٨٩٠یوە گەلێ بندەسو جیهانی و کرێکارێ بە ڕۆحو کۆشیای و پەشتیوانی دژو داگیرکەردەی مافی، ١و ئایاری جەژنەو کرێکارا و ڕەنجدەرا مەبارەک مکەرا. ڕۆزگارو ئارۆیماینە ١و ئایاری گرنگتەرا."
حەر جە ئەرەیاونایەکەینە ئاما: "پارادایمەکێما سەرو بنەماو ئیکۆلۆژی، دیموکراتیک، ئەخلاقی، سیاسی و ئازادیوازیی ژەنێ، ئاستو ژیواینە گرنگا. چینو کرێکاری و ڕەنجدەرێ دلێنەی بنەڕەتیی گلێرگەی دیموکراتیکینێ. تا وێما هۆشیار نەکەرمێوە، نمەتاومێ جە کۆیلایەتیی مۆدێرنی ڕزگارما بۆ.
ماوەو نیم سەدەین کۆشیای ئازادی وەرکەوتو کوردستانینە گردو بەشەکاو گلێرگەیش دلێ وێشنە ورگێرتەن و سەرچەمەو ئی هێزەیچە پارتو کرێکاراو کوردستانین، ئینەیچ چیوێوی ڕێککەوت نییا. کۆشیاینە دژو خراپەکارییەکانە گرد قوربانیێوە دریان، جەوهەرو وێشنە پەی ئازادیی چینو کرێکارا و ڕەنجدەران. گەر چینو کرێکارا و ڕەنجدەرە میاننەتەوەییا پی هێزەوە بگنانێ دلێ یۆبییەی و پەشتیوانی، ئا وەختە هومێدو ئازادی گەورەتەر مبۆ و مەشخەڵە پەی دماتەری گەشتەرە مبۆ.
پی باوەڕۆ هومێد مکەرمێ ساڵەو ٢٠٢٤ بۆ بە ساڵەی تازێ، کە چینو کرێکارا و ڕەنجدەرا بە هۆشیاریی ئەخلاقی و سیاسیی تازەوە ئەرەپڕا."
